His Majesty’s Ship (HMS) husi Reino Unidu halo vizita ofisial iha Timor-Leste, hodi hametin amizade no kolaborasaun entre nasaun rua ne’e.
Vizita ne’e, durante loron 3 husi 25-27 Augusto 2023 ho objetivu nudar programa interkambiu kultural ho Ro Marina Timor nian, estudantes lokal sira.
Komandante HMS Lt Cdr Matthew Millyard hatete: sira kontente mai vizita Timor-Leste hodi esplora durante tinan Lima HMS Spey halao tiha ona serbisu tinan lima iha rejiaun Indo-Pasifiku hamutuk ho ro irmaun, HMS Tamar.
“Kompania Ro nian ho hau kontente los atu hetan experiensia kultura iha nasaun furak Timor-Leste. Vizita ida ne’e mos nudar opurtunidade optimu ba ami atu sosa sasan no ense mina hodi nune’e HMS Spey bele kontinua halao nia misaun iha rejiaun Azia-Pasifiku. Ami haksolok tebes ho ospitabilidade mak hatudu hosi Timor-oan sira”.
Iha fatin hanesan Ambasador Britaniku ba Timor Leste Dominic Jermey hateten kuaze kleur reinu unidu iha koperasaun ho Timor-Leste no HMS Spey nia prezensa nudar demonstrasaun komitmentu fiziku Reinu Unidu nian hodi haklean kopersaun ho Timor-Leste
“Harii parseria forte ho Timor-Leste mak sai nudar misaun importante Reinu Unidu nian iha ne’e. HMS Spey nia prezensa nudar demonstrasaun komitmentu fiziku Reinu Unidu nian hodi haklean relasaun diplomatiku, ekonomiku, no hametin lasu seguransa ho Timor-Leste no mos nasaun sira seluk iha rejiaun Indo-Pasifiku nian”
HMS Spey r ida nebe ambientalmente saudavel tanba iha instalasaun konverte kataliku ho funil hodi kapta no redus emisaun CO2. Ro ne’e foin dadaun halo patrulamentu hodi kombate peska sira ne’ebe la reguladu, la reportadu no illegal, no mos halo survey.
Durante HMS para iha portu Dili, estudante, Membru F-FDTL inklui Jornalista jornalista hetan oportunidade vizita tour iha ro’o laran no haree direta, akomodasaun ekipamentus sira ho reponde ba nesidade operasaun nian.
Reportajen : Dhesy Reis
Discussion about this post