Radio, online – Relasiona ho situasuan politika iha Indonezia fulan hirak ne’e manas, Movimentu Estudante Timor Leste halao asaun manifesta hasoru autoridades Indonezia liu husi ninia embassada iha TL, atu tau konsederasaun ba povu Papua –Ambon nia direitu hodi moris iha independensia hanesan mos Timor Leste.
Manifestasaun estudante ne’e relasiona ho komemorasaun aniversairu Republika Indonesia nia ukun-an ba dala ne’en nolu reis lima (65), Kuarta, (17/8) iha Palapaso, Dili.
Rezultadu husi asaun solidariedade ne’e halo estudante nain tolu hetan kapturasaun husi Polisia., husi unidade Task Force Sira nain 3 mak henesan Letornino da Silva, Domingus Andrade no Juventina Ximenes. Estudante nain 3, oras ne’e dadaun iha sela polisia hodi hein ba prosesu investigasaun.
Manifestasaun hanesan solidariedade Timor Leste ba povu Papua –Ambon durante ne’e sira nia direitu atu moris ukun-an.
Simu konsekuensia husi asaun ne’e estudante nain 3 mak hetan kapturasaun husi Polisia Nasional Timor Leste (PNTL).
Porta voz Movimentu Estudante Inocencio de Jesus Xavier iha nia orasio, hatete, objetivo husi manivestasaun nebe’e movimentu estudante halo ne’e hanesan solidaridade estudante ba povu Papua-Ambon.
Movimentu estudante husu ba republika Indonesia liu husi Emabassador iha Timor Leste hodi rekuinese konstituasaun Indonesia atu bele husik Povu Papua atu ukun ona, tanba Povu husi provinsia 2 ne’e durante tinan 50 resin sira hetan violasaun diretus humanus. Husu ba Nasoens Unidas (ONU) atu defende direitu povu Papua –Ambon sira nia ejijensia,
“Ami halo manifestasaun ne’e hanesan solidaridade ida povo Timor atu Indonesia bele fo liberdade ba Papua-Ambon atu ukun an hanesan mos TL ne’ebe moris iha ambiente valorize direitus umanus,” nia komenta.
Porta Voz ne’e hatutan, asaun ne’e la ho asaun karakter violesia nian. Manifestasaun tama iha area Embassador Indonezia nian tanba hetan segurasa husi polisia trasito.
“Antes ami atu halo manifestu ami hato’o tiha karta ba polisia, maibe tanba sa mak polisia viola fali liberdade de espresaun hodi fo solidariedade ba ita nia maluk sira mak oras ne’e terus hela iha Papua –Ambon,”nia lamenta
To’o notisias ne’e hatun, ekipa Radioliberdadedili online seidauk bele hetan informasaun husi komandante Polisia Distritu.
Discussion about this post