Radio, online – Prezidenti da Republika Jose Ramos Horta durante tama sai Distritu halo promesa ba povu, maibe husi promesa ne’e barak mak la realiza. Husi promesa ne’e halo Timor oan moris iha Mozambique ne’e simu insultu hanesan tolok no bosok ten.
Rui Pinto Timor oan ne’ebe moris iha Mozambique. Durante iha Mozambique sai hanesan aktivista iha area ambiente ninian.
“hau ba hasoru povu sira iha Lautem hodi hare ba parke Nino Konis Santana, povu barak mak trata hau tanba hau besik ho katuas Ramos Horta,”dehan Rui ba jornalista wainhira partisipa iha serimonia levantamentu 1983 foin lalais ne’e iha Distritu Lautem.
Rui Pinto moris iha tinan 1983. Fila mai Timor Leste iha 2003. Iha governu anterior hodi serbisu iha area ambiente . Agora dadaun hanesan Project Coordinator Coral Triangle support Partnership Ka CTSP iha Ministeriu Agrikultura no Peskas nia mahon. Nebe’e durante ne’e halo knar iha suku ne’en, liu – liu iha area parke nasional Nino Konis Santana, Distriu Lautem.
Rui hatutan, wainhira nia halao serbisu iha baze, povo barak mak to’lok nafatin nia, tamba ema barak hanoin katak Rui Prejidenti da Republika nia oan. Tamba ne’e mak povu sira hirus fali Rui hodi fo impaktu nia serbisu
“ Povu sira deham ba hau, o nia apa mai halo promesa barak maibe omos fa bosok fali ami,”Rui haktuir povu nia lia fuan.
Project Coordinator ne’e haktuir, kuandu atu aprejentasaun programa iha komunidade nia le’et, Rui tenke esplika identidade ba komuniadade sira. Rui nia inan Timor oan. Inan ho naran Ana Maria Pesoa da Silva Pinto, aman Francisco Jose Luis Guterres sidadaun Mozambique. Rui nia inan agora dadaun aktual Prokuradoria Geral da Republika.
“Hau nia program la lao tamba komunidade hanoin hau ne’e Prezidenti da Republika nia oan tamba ne’e mak sira hirus hau hela deit,”Rui konfesa.
Rui pinto serbisu iha area parke Nasional Nino Konis Xantana hare liu ba ambiente tasi ibun liliu iha suku Tutuala – Mehara sub-distritu Tutuala, Lore no suku Kom sub-distritu Lautem.
Discussion about this post