Dili- Zevonia Maria Vieira, nu’udar jornalista feto dahuluk ne’ebé hetan konfiansa husi Membru Asosiasaun Jornalista Timor-Lorosa’e (AJTL) nu’udar prezidenti AJTL iha 2020, hafoin tinan 20 asosiasaun ne’e lidera husi mane.
Zevonia hahu interese ba mundu Jornalizmu iha tinan 2003 bainhira nia sei iha idade joven, nia jornada kareira jornalizmu nian hahu iha organizaun TLMDC (Timor-Leste Media Development Centre) ne’ebé agora dadaun muda ba Fundasaun Media Develepment Centre (FMDC). Hamutuk ho ekipa Zevonia produz programa radio ne’ebé foka ba defende direitus humanus no fahe kontiudu programa ne’e ba media Lokal (radio komunidade) sira iha Timor-Leste.
Hafoin ida ne’e, iha tinan 2004 Zevonia, hamutuk ho eis Prezidenti Consellho Imprensa Virgilio Guterres harii Jornal Klak Jornal Semanal Investigativu, nu’udar Xefi redasaun no nu’udar membru ativu iha AJTL. Husi ne’e Zevonia iha atembrani hodi luta ba direitu humanus no injustisa sosial.
Durante nia mandatu hanesan Prezidenti AJTL, Zevonia tau preoridade ba kapasitasaun liu husi treinamentu oin-oin atu hasa’e kapasidade jornalista membru AJTL sira nian hodi promove direitus humanus no igualidede jeneru bazeia ba prinsipiu AJTL nian desde ejistensia AJTL nia iha tinan 1999.
“organizasaun AJTL laos hare deit ba iha jornalista maibe hare mos ba iha violénsia bazeia ba jéneru no violénsia kotra feto no labarik feto durante ha’u asumi kargu hanesan prezidenti AJTL ha’u tau prioridade liu ba iha prinsipiu rua mak hanesan importante iha ami nia periodu nemak liga oinsa maka AJTL luta ba jornalista ninia liberdade imprensa no oinsa jornalista iha kapasidade atu halo kobertura ne’ebé mak liga ho sensivel ba jéneru ka reportagen ne’ebé sensivel ba jéneru”, dehan Zevonia ba jornalista iha edifisiu Oxfam Hudi Laran Dili, 2/06
Zevonia dadaun ne’e sai hanesan xefi redasaun iha media online Neon Metin. Situs media online ne’e kuñese mós iha nivél internasional bainhira nia ho ekipa halo reportanjen investigativu ba kazu Topu Honis.
Jornalista: Ekipa Formadus RSG (Training 2-Grup4)
Editora:Desy Reis
Discussion about this post