Radio, online –Sekertariu Estadu Promosaun Igualidade (SEPI) Idelta Maria Rodrigues halo organiza diskusaun hamutuk ho Ministeiru sai save importante kontra violensia domestika hodi prepara planu efektivu. Liu husi planu ne’e sei lori ba Konselhu Ministru atu hetan aprovasaun ba implementasaun lei kontra violensia domestika situasaun rasik.
Diksusaun loron tomak ida ne’e halao iha Otel Timor Segunda, (9/8).Diskusaun ne’e ho tema “Konsultasaun Nasional Dahuluk ba planu asaun nasional violensia bazeia ba jeneru”
Idelta hatutan, planu hirak atu prepara ne’e mai husi nivel regional no distrital e sei formula no lori ba aprezenta iha konselho do Ministru atu hetan aprovasaun atu nune’e bele iha planu ida efetivu adekuadu tuir situasaun rasik atu halo prevensaun ba Violensia Domestika.
Liu husi sesaun diskusaun ne’e atu hetan ba sasukat hodi tau matan ba prevensaun violensia bazea ba generu. Iha dadus no peskiza kona ba violensia bazea ba jeneru iha Timor Leste hodi hare mos ba protesaun ba vitima no sasukat hodi lori ba tribunal ema ne’ebe halo violensia bazea ba jeneru.
“Diskusaun ne’e sei remata hodi foti pontu xave sira ba rekomendasaun final husi relatoriu diskusaun nian,”dehan Idelta.
Iha fatin hanesan Vice Ministra da Saude Madalena Hanjam liu husi diskursu konaba kompromisiu governu iha primera konsultasaun Nasional ba planu asaun nasional kona ba violensia bazea ba jeneru.
Madalena aktividade ne’e positivu tebes, tanba atu hadia deit politika. Politika iha tiha ona agora oinsa mak harmoniza didiak politika ne’e para bele implementa ho diak no efektivu.
“Violensia domestika akontese laos deit mosu husi mane maibe barak mos mak kauza husi feto rasik,” Madalena informa.
Aktividade hetan partisipasaun reprejentante UNFPA, sosiedade sivil Nasional no Internasionais, PNTL no lider komunidade.
Discussion about this post