Radio, online – Ko’ordenador Geral Conselho Popular Defeza –Republika Dekomkratika Timor Leste (CPD-RDTL) Antonio Aitahan Matak kontra maka’as ba prosesu desmobilizasaun ba eis FALINTIL, tanba tenta atu sobu FALINTIL no halakon istoria FALINTIL. tuir lolos estadu tenki valorizasaun rekoinesementu ba lutador sira nebe katuas tiha ona.
Antonio Aitahan Matak kasu lia hirak ne’e ba radioliberdadedili online iha nia Balide Dili, Tersa, (9/8).
Razaun Matak defende FALINTIL tanba, FALINTIL nudar forsa uniku tanba ne’e tenki konsedera nafatin FALINTIL sira iha forsa armadas, tanba nasaun ne’e lao seidauk los.
“Desmobilizasaun nebe’e atu fo ba Frente Armada ne’e ami la konkorda, tamba desmobilizasaun ne’e atu sobu FALINTIL sira,” Matak lamenta.
Iha okaziaun ne’e mos Ko’ordenador CPD- RDTL ne’e husu ba estadu atu lalika halo desmobilizasaun ba FRENTE Armada sira , maibe fo valorizasaun rekoinesementu reformasaun ba lutador sira nebe katuas tiha ona” tenik Matak.
Tuir Matak, eis forsa FALINTIL laos forsa segundu Linha ( Tropas Portugis ) nebe’e atu fo desmobilizasaun ba sira, maibe FALINTIL ne’e forsa Timor Leste nia nebe’e halo funu durante tempo okupasaun nia laran. Razaun sira lakonkorda ho desmobilizasaun ne’e tamba farda ne’ebe atu fo Eis FALINTIL sira hanesan ho farda segundu linha nian.
“Ita seidauk seidauk bele halo desmobilizasaun ba eis FALINTIL lai, tamba seidauk liberta povu husi kiak no mukit,”Matak akresenta.
Iha fatin seluk Prezidenti Republika Jose Ramos Horta hatete, grupo CPD-RDTL ne’ebe lidera husi Antonio Aitahan Matak laos perfeitu iha nasaun ne’e hodi kontra fali desizaun estadu nian hodi halo desmobilizasaun ba eis FALINTIL sira, iha 20 de Agostu mai ne’e.
“Sira CPD-RDTL koalia barak laos ita atu halo tuir sira nia hanoin, tanba sira laos Biblia,Horta lamenta.
Horta esplika katak, desmobilizasuan ne’e laos atu hasai sira husi FALINTIL, maibe ses-an husi FALINTIL ona tanba sira katuas ona.
Discussion about this post