DILI,19 April 2023-Menbru Conselho Imprensa CI Expedito Dias Ximenes husu jornalista sira atu hala’o knaar tuir étika jornalista iha periódu kampaña politíka no prosesu eleisaun parlamentar iha 21 maiu 2023.
“Fó hanoin nafatin ba kolega jornalista sira katak iha prosesu kanpaña eleitoral fulan ida nia laran presiza tuir matadalan no kaer metin kode étika jornalismu nian hodi halo kobertura ne’ebé ho imparsialidade”, Dehan Expedito Dias Ximenes liu husi Konferensia imprensa ba asuntu reportanjen eleitoral média ba jornalista sira iha salaun KI, Kinta (19/04/2023).
Espedito hatutan, Conselho Imprensa nafatin halo monitorizasaun ba produtu jornalista atu nafatin hala’o kanar tuir etika jornalizmu ne’ebé mak fó ba jornalista sira, liga ba kanpaña to’o tenpu votasaun nomós to’o forma governu foun.
“Conselho Imprensa iha kedas eleisaun prezidensial fó ona matadalan sai hanesan guião ba jornalista sira atu hala’o knaar imparsiál hanesan hakerek ona iha kódigu étika jornalismu, la sadere ba partidu A ka B”, nia Salienta.
Nia Akresenta, KI mós tenta halo intervassun kona-ba deklarasaun ograun eleitóral STAE nian katak, média públiku vota livre no média privadu lae.
“Conselho Imprensa sei haruka karta ofisiál husi konferensia imprensa ne’e, husu orgaun eleitores hanesan STAE no CNE, atu tau atensaun makaas ba servisu ne’ebé jornalista sira halo liuliu iha prosesu kanpaña to’o votasaun, no KI sei akompaña hodi halo servisu makaas hodi luta ba direitu média no jornalista sira-nian hodi sira bele vota iha fatin ne’ebé mak sira kobertura”, informa nia.
Iha fatin hanesan Diretór Ezekutivu Conselho Imprensa Rigoberto Monteiro husu jornalista sira utiliza média sosial iha nia Gide-Les atu asegura produtu jornalistiku sai hanesan profesional atu garante nia balansu, garante nia indepedensia, no hatudu nia profesiónal hanesan jornalista nune’e garante kode étika jornalista nian.
Reportajen : Maria de Rosa & Dahlia Francisca.
Editor : Jonas
Discussion about this post