DILI, 14 April 2023-Governu liu husi Ministériu ba Asuntu Parlamentares no Komunikasaun Sosiál (MAPKOMS) hamutuk Plan Internasional Timor- Leste (PITL) fó Brifing ba média sira ho tema “Papel Media ba Protesaun Labarik iha Pre Durante Post Eleisaun” oinsá papel média nia kontribuisaun ba protesaun labarik iha periódu kampaña.
Diretora Plan Internasional Dillyana Ximenes hateten, Papél média importante tebes oinsá tranforma no transmite informasaun ba komunidade komprede saida lolos saida lolos mak protese labarik iha momentu kamapaña.
“Plan Internasional asina nota intendementu ho MAPCOMS hodi haree kona-ba igualidade, protesaun no inkluzaun liuliu labarik kiik sira iha momentu kampaña no elisaun liuhusi média sira eziste liuliu ho nia plataforma”, dehan Diretora ne’e ba jornalista sira iha SEII sesta ne’e, (14/04).
Diretora ne’e husu média sira atu servisu hamutuk Plan internasinal hodi fornese informasaun ne’ebé bele ajuda ema hotu atu bele sensivel ho responsavel ba iha protesaun labarik no adulusentes iha tempu kampaña no elisaun.
Iha fatin hanesan Ministru ba Asuntu Parlamentares no Komunikasaun Sosiál Frascisco Martins da Costa Pereira Jeronimo husu média sira atu fó sai informasaun ne’ebe bele proteze labarik sira liu husi fó hanoin ba inan, aman no komunidade sira.
“Ema hotu hotu iha liberdade, maibé liberdade ne’e mós presiza iha limitasaun iha mòs regra para atu kumpri, ida ne’e mak sira seidauk intende didi’ak, ne’ebé kauza ne’e mentalidade ita-nian, entaun ita hotu-hotu husu ba malu liuliu apela ba malu liu husi i formasaun”, hateten Franscico.
Nia mós apela ba Partidu Politíku sira no inan halo movilizasaun sira labele mobiliza labarik iha tenpu kampaña.
Reportajen : Maria de Rosa
Editor : Jonas.
Discussion about this post