Radio, online – Hodi hasae kapasidade no kreatidade jornalista iha area radio, Diretor Centru Jornalista Investigasi Timor Leste (CJITL) Gil Julio da Silva fo kursu tipu-tipu foun hodi maneija programa radio iha area publisidade no radio sai favoritu ba ouvintis sira.
“Iha radio laos ema atu rona deit ita nia lian iha programa nomos notisias, maibe oinsa ita atu kaer ema metin sintuniza ita nia radio no aumenta tan ouvintis sira. Alende ne’e mos emprezariu sira bele fo konfia hodi tau publisidade iha radio,” dehan Gil ba staff radio liberdade FM 95,8 Mhz iha sala treinamentu Kolmera, Dili (01/08).
Diretur CJITL hetan materia konaba kreatividades ba programa radio ne’e foin lalais ne’e reprezentante jornalista Timor oan ba iha progaram SEAPA nian. Materia kretatividade maneija radio ne’e wainhira halo vizita ba iha radio KBR Indonesia (Kantor Berita Radio 68 H.) no BFM (But Frisson Matters 89,9 iha Malazya.
Gil hatutan iha Indonezia totak radio hamutuk 20,000. Husi total ne’e radio KBR 68 H mak sai koinesidu liu iha Indonezia. Radio KBR 68 H hanesan kantor berita radio satu-satunya iha Indonezia.
Radio BFM 89,9 H tuir peskiza iha lima juta pendengar mak sai ouvintis permanente.
Tipu-tipu ema atu koinese radio ho formula S3 mak hanesan Stiker, Spot no Survei. Iha area stiker staff iha radio tesi surat tahan mutin hodi hakarek radio nia frekuensia hodi fo ba kondutor, ema estranjeiru iha Aeroprotu, ema sira iha loza oin sira no ema sira mak mai iha asesu internet.
Iha area Spot nian halo jingle ba ema estranjeirus sira koalia ho sira nia lian atu nune’e sira mos sai nain ba radio ne’e. Hanesan agora daduan iha TL fo oportunidade ema estranjeirus hanesan Xina, Thailandia no nasaun sira seluk. Tau sira nia lian no muzika.
Gil husu tanba saida mak radio iha Timor laran toka muzika husi Ingles, Portugues, Indonezia, India sst. Tanba saida mak Xina, Malazya, no Thailandia nian lian la toka. Tuir lolos radio ne’e fo livre ba ema hotu atu halo espresaun.
Iha area Survey, ba buka ema sira mak iha komunidade Dili laran, rona ka lae programa radio hanesan radio liberdade FM 95,8 Mhz.
Iha stasiun radio presiza difini knar ba strutura lolos hanesan Diretor, News Manager, Music Manager, Program Manager, Account Executive or “sales”, Team creative, no Reporter no Voluntariu.
Gil hatutan, antes atu hahu ba formula radio nian ne’e presiza identifika radio nia misaun, hanesan radio bisnis, radio, komunidade, radio notisias ou radio eleisaun.
Diretor TLMDC aktual Diretor radio Liberdade Francisco da Silva Gary husu ba staff radio sira atu aproveita materia ne’ebe fo husi fasilitador atu nune’e bele aplika iha radio Liberdade atu iha modifikasaun ba modelu radio nian.
“Hau hanoin ba oin presiza mudifika radio Liberdade laos ami nian maibe ouvintis sira nian,”dehan Gary.
Iha fatin hanesan staff radio Liberdade Joao Basilio alias Jodi hatete, aktiviadade sira ne’e kauze halao hela maibe seidauk aktivu didiak. Ho materia ne’ebe struktura bele fo hanoin diak liutan mai staff radio Liberdade hodi implemta ho diak.
“Hau hanoin presiza tebes radio ida iha nasaun ne’e sai favoritu liu ba komunidade sira ni komunidade hotu senti radio ne’e sira nian,’nia komenta.
Discussion about this post