Falsifika Diploma Kandidatura F-FDTL Nain 3 Komando Tebe Sai

Radio, online –Kandidatura ba forsa F-FDTL nain 3 ne’ebe falsifika dokumentus Diploma, Komando foti desizaun hodi haruka fila ba uma alias tebes sai.

Informasaun ne’e hato’o dereitamentu husi Xefe estado Interino Tanenti Kolonel Falur Rate Laek iha Centru Instrusaun ba jornalista iha Metinaro (29/7) foin lalais ne’e.

Falur hatutan, hahalok ne’ebe sira nain tolu (3) halo ne’e grave no todan, ne’e hanesan  krimi ida. Durante halo testu kandidatu nain 3 ne’e tama hotu kriteria. Depois halo hakerek sira nain tolu ne’e nunka le’e ABC mos la hatene. Husu halo konta 1+1 la hatene no 17+4 mos la hatene.

Falur hatutan, iha prense dokumentus sira nain tolu lori diploma sekundariu nian hotu. Komando F-FDTL halo venkulusaun hodi tula fali ba sira ididak nia uma.

“Sira nai tolu Tama iha area analfabetu no sira nia dokumentu inventa hotu. Ami tenki hasai sira,”realsa Falur. 
Husi sira nain tolu ne’e mak hanesan kandidatura ba Sargentus Clementino de Jesus Monteiro,. Domingos da Silva, no Ruben Vila Nova.

Falur esplika liutan, atu priense sira nia fatin Komando F-FDTL sei loke oportunidade ba sidadun sira seluk hodi mai priense. “Ema mai buat ne’ebe los, ba buat nebe’e la los, ne’e ami prosesa tuir prosidementu ne’ebe iha,”nia afirma.

Falur husu komunikasaun transmite ba sidadaun hotu-hotu no transmite ba membru F-FDTL sira agora ne’ebe iha, instituisaun F-FDTL sei la admite buat hahalok at no la tuir regulamentu.

Xefe estado Interino Tenenti ne’e mos husu ba Ministeriu Justisa fo atensaun falsifikasaun dokumentus, hodi prosesa tuir lei no hatama iha prisaun se’e lae fo multa maka’as.