Prezidente Parlamentu Nasional Fernando Lasama iha komemorasaun vinte de maiu hateten Timor Leste nasaun nurak, maibe iha estabilidade no konsege hari instituisaun oi-oin estadu nian.
“ita atinji ona iha instituisaun estadu ninian kuaze atu kompletu ona ne’e buat ne’ebe maka hanesan nasaun foun ita presiza ita konsege iha, estabilidade ita iha, rai seluk-seluk oras ne’e funu hela deit ” hateten lasama. Nia hatutan dalaruma politika nain sira halo interven polika tanba seidauk iha koñesimentu lei ho diak
Iha parte seluk Deputada Fernanda Borges hateten Timor Leste konsege hari Nasaun hari Kontituisaun hodi halo servisu lolos iha seitor justisa hodi luta hasoru korupsaun.
Borges hateten “ita hari ita nia nasaun, ita hari ita nia instituisaun demokratikas. Kontituisaun da republika ida ne’ebe hakarak kria separasaun poder fo independensia ba instituisaun balu atu bele ejerse
nia knar lolos. ” Nia hatutan Timor Leste atinji ona iha parte barak maibe dalabarak ukun nain sira sempre halo interven politika ba servisu sosial balun.
Timor Leste hanesan Nasaun Demokratiku ne’ebe iha tinan 1975 Proklama ona nia independensia maibe seidauk rekoñese husi Mundu Internasional hafoin hetan liberdade iha 2002 mundo internasional mos rekoñese Timor Leste nia Independensia e Durante tinan 9 ona Timor Leste nia Independensia Povu Timor Leste tomak espera katak liu husi selebrasaun vinte de maio bele garantia estabilidade no dezenvolvimentu iha komunidade nia le’et.(efrem duarte guterres)
Discussion about this post