PN Husu UNMIT Klarifika no Ratifika Relatoriu Insulta PM Xanana

DILI, Timornewsline – Reprezentante Povu iha Parlamento Nasional husi bankada maioria parlamentar no opozisaun husu ba UNMIT atu ba hato’o klarifikasaun no ratifika fali-fali relatorio ne’ebe sai insultu PM Kay Rala Xanana Gusmão hodi hatete Xanana mak obstaklu ba dezemvolvimento nasional no demokrasia iha Timor Leste.

Kestaun ne’e hato’o husi Deputadu Natalino dos Santos bankada CNRT no Deputadu Antonio Cardoso husi bakada Fretilin ba timornewsline Tersa, ((24/05/2011) iha uma fukun parlamento nasional.

Deptuutadu Antonio Cardoso hatutan, konaba ba relatorio UNMIT ne’e rasik agora sai ona polemik no atu labele hamosu bei-beik, duvidas no konfuzaun iha publiku, sujere atu UNMIT tenki marka audiensia, no halo plenaria hodi esplika ba membru parlamento no publiku, tamba kna’ar UNMIT nian mak atu ajuda no tulun Timor Leste, husi parte ka seitor hotu, hodi hari’i Timor Leste hanesan Estado de Direitu no Demokratiku.

Antes ne’e Bankada maioria parlamentar, halo ona reasaun hodi rejeita apresiasaun Partido Opozisaun ne’ebe hato’o relatorio UNMIT iha plenaria. Iha relatoriu ne’e hodi hatete Premeiru Ministro Xanana Gusmão mak hanesan Obstatuku ba dezemvolvimento nasional no demokrasia, tamba konsidera relatorio UNMIT ne’e hanesan insulta bo’ot ba Premeiru Ministru Xanana Gusmão.

“Partido Fretelin halao duni nia funsaun hanesan partido opozisaun iha parlamento nasional, hato’o duni apresiasaun ho kritika ne’ebe pozitivu no konstrutivu, hodi dezemvolve Timor Leste ba oin. Tamba ne’e opozisaun nia kna’ar mak tenki kontrola nafatin lalaok governo atu sira bele halao sira nia kna’ar ho lolos,” Antonio komenta.

Deputadu Natalino mos CNRT rezeita ba relatoriu ne’e tanba kontraditorio ho faktus no realidade ne’ebe agora dau-daun lao iha Timor Leste, no konsidera relatorio ne’e sala, tamba Premeiru Ministro hanesan ema ne’ebe demoktratiku teb-tebes,

“ita bele hare’e husi paisajem istoria iha tempu rejistensia Timor Oan fahe malu iha partido oi-oin, hanesan Fretelin, UDT, Apodete, Kota no Trabalista, ne’ebe ho hanoin lahanesan, maibe ho lideransa Xanana nudar mos lideransa maximu iha partido Fretelin, konsege konkista Timor Oan hotu hamutuk ho hanoin ida deit hodi luta ba ukun rasik,”Natalino afirma.

Nune’e mos Deputadu ne’e husu atu hare ba Governasaun Xanana hanesan Premeiru Ministru, kumpri no halo tuir lei, tamba estadu Timor Leste, iha orgaun separasaun de poder, Governo orgaun exekutivu, parlamento orgaun legistativu, judisiario no presidenti, maibe orgaun hirak ne’e interpendesia ba malu.

Responde ba relatoriu ne’e Xefi Informasaun publiku UNMIT Sandra McGuire hatete, UNMIT nunka hasai relatoriu ruma konaba PM Xanana nia governasaun nomos UNMIT nunka kontra lider sira iha TL.

“Ami la fiar Xanana sai obstakulu ba prosesu dezenvolvimentu no demokrasia iha TL. Relatoriu ne’e hato’o husi pesoal ne’ebemak servisu UNMIT, la reprezenta organizasaun UNMIT,”sandra konfesa. (Leandro de Sena,)