Dili 20/01/2025_Asosiasaun Jornalista Timor-Leste (AJTL) nafatin servisu hamutuk ho Oxfam hodi realiza media tour hamutuk ho jornalista sira iha Suku Bobometo, sub-rejiaun Oesilo, Rejiaun Especial Oecusse Ambeno, hodi kobre asuntu “problema Klimatika”
Liu husi Media tour AJTL no OXFAM identifika ona asuntu ne’ebe mak liga ho Problema klimatika no hare asuntu justisa klimátika ne’ebe mak feto, Ema ho defisiénsia no grupu vulnerável sra hasoru liu husi impaktu mudansa klimátika ba moris sosiedade nian.
Presidente AJTL ne’e haktuir katak liu husi media tour ne’e sei hare’e kona-ba problema husi impaktu mudansa klimátika ba iha komunidade liu-liu grupu vulnerável sira.
“iha media tour ne’e ami identifika ona impaktu husi mudansa klimátika hanesan asesu ba bee moos, estrada no erosaun sira tanba bai-loro naruk no hahalok ema nian ne’ebe mak ladun proteje ambiente hodi fo impaktu ba komunidade nia moris liu-liu grupu vulnerável sira” Tenik Zevonia Vieira
Nia mós haktuir tan katak sei lori jornalista sira ba to’o iha área rural no fronteira hodi hare feto sira nia luta sobrevive la’o ho distansia dook atu sobrevive sira nia moris no identifika istoria susesu no solusaun sira ne’ebe joven sira halo hodi konserva bee ho sira nia matenek lokal.
“AJTL foti oportunidade ne’e sei lori jornalista sira ba iha área rural no fronteira sira hodi identifika feto sira nia luta la’o dok hodi buka bee ba sira nia nesessidade, no moris iha fromteira sobrevive sira nia moris no identifika istoria susessu ne’ebe joven sira halo hodi konserva bee hodi ajuda comunidade sira asesu bee ho besik” Haktuir Zevonia Vieira
Iha fatin ne’ebe hanesan Strategy and Engagement Lead Oxfam in Timor-Leste,Adilsonio da Costa Juniorhatutan ida ne’e oportunidade di’ak atu esplora informasaun importante sira tanba resultadu husi media tour ne’e sai hanesan evidensia hodi dezeñu programa governu nian.
“Rezultadu media tour ne’e rasik sei lori dadus importante ita bele ajuda goveru uza hanesan evidensia base ba sira nia dezeña programa no mos orsamentu ne’ebe governu investe atu bele responde ba komunidade ne’ebe hetan afeta husi krize klimátika” tenik Adilsonio da Costa Junio.
Iha biban ne’e AJTL apresia tebes ba oxfam tanba bele servisu hamutuk ho AJTL hodi implementa programa Justisa Klimatika hodi hala’o ona atividade media tour ba iha munisípiu sira iha Ermera, Baukau, Lospalos no ikus liu iha Rejiaun espesial Oecusse Ambeno.
Atividade Media Tour ne’e realiza tanba AJTL kolabora ho OXFAM iha Timor-Leste no hetan fundus husi OXFAM iha Hongkong
Jornalista: Julianti de Jesus Saldanha.
Editor : Natalino Ximenes
Discussion about this post