Radio, online – Prezidenti da Republika (PR) Jose Ramos Horta tanta nafatin hodi husu ba governu fo atensaun maximu ba infrastruktur ba Komando F–FDTL liliu ba komponente Naval.
PR Horta hato’o kestaun ne’e liu husi vizita ba iha sentru Instruksaun Metinaro no kompetente Naval Segunda, (10/10).
Premeadu Nobel da paz halao vizita ba F-FDTL hodi hare infrestrutura lojistika, manajemen importante iha forsa armadas ne’e.
PR Horta hateten, F-FDTL ne’e Governu presija hare hodi tau matan, tamba jistika hanesa kareta. Kareta barak mak tuan dadaun ona no manutensaun susar tebes .
“Hau husu ba Governu tenke kria meius ba F-FDTL. Ita iha forsa Governu tenke trata sira ho diak konaba kilat ne’ebe balun at ona. Ne’e normal tamba kleur ona no kilat sira ne’e nia vida liu ona. Ba oin governu presiza subtitui osan ba problema kilat,” nia reafirma.
PR Horta ejiji laos deit ba F-FDTL maibe mos governu presiza fo atensuan tau matan ba PNTL. Tamba PNTL iha unidade barak. PR Horta husu governu trata instituisaun ne’e forte.
“Ita tenke hare sira hanesan ema ho nia dignidade, nesesidade,no difikulidade. Trata sira ho kondisaun mak hanesan uma, Saude no seluk tan atu forsa sira serbisu badinas liu tan iha F-FDTL no PNTLne’e nia laran,” Horta apela.
Hatan ba prekupasaun ne’ebe PR Horta lamenta, Sekertariu Estado Defeza Julio Tomas Pinto dehan, governu tau dadauk ona orsamentu balun atu hare ba difikuldade sira ne’e . Orasamento ba tinan ida ne’e haruka ona ba PN hodi diskuti hamutuk Trinta un miloens dollar Amerikau, para milior liutan iha parte infrestrutura nian.
“Ita presija tempo naruk. Orasmento ba tinan ida ne’e kompara falin tinan kotuk, tinan ida ne’e bo’ot liu ne’e ita bele halo halo infrastruturta iha F-FDTL,”dehan Julio ho konfiansa.
Iha fatin hanesan Major General Lere Anan Timor ne’ebe akompaha PR Horta nia vizita hodi hateten, iha komponente Naval, iha prioridade tolu. Primeru halo desliga mota. Segundo ba infrasturura terseiru ba iha manuntensaun ba Ro 7.
“Hau hanoin prolema ne’ebe akontese iha kada komponente ne’e laos foin mak akontese maibe importate mak rekursu huamanu ne’e importante. See ita la iha rekursu humanus la iha kualida, hanesan deit,” dehan Lere fo hanoin ba governu.
Discussion about this post