Friday, December 8, 2023
Radio Liberdade Dili - FM 95.8 Mhz
Advertisement
  • Varanda
    • Vizaun & Misaun
  • Se Mak Ami
  • Notisia
    • Atualidade
    • Feature News
  • GenderEquality
  • Desportu
  • Opiniaun
  • Artista
  • Foto
  • Programa Radio & Orariu
No Result
View All Result
Radio Liberdade Dili - FM 95.8 Mhz
  • Varanda
    • Vizaun & Misaun
  • Se Mak Ami
  • Notisia
    • Atualidade
    • Feature News
  • GenderEquality
  • Desportu
  • Opiniaun
  • Artista
  • Foto
  • Programa Radio & Orariu
No Result
View All Result
Radio Liberdade Dili - FM 95.8 Mhz
No Result
View All Result
Home Radio Liberdade Dili Politiku

TL La Konkorda Deklarasaun Simeira Brazil

jesusa by jesusa
June 27, 2012
in Politiku
0
TL La Konkorda Deklarasaun Simeira Brazil

Ramos Horta

3
SHARES
12
VIEWS
Share on FacebookShare on TwitterShare on Whatsapp

Radio, online – Timor-leste la konkorda deklarasaun ikus simeira Brazil ne’ebe halao iha Rio de Janeiru, tamba iha deklarasaun ne’e koalia kona ba dezenvolvimentu sustentavel,  mudansa klimatika, protesaun  meiu-ambiente maibe la iha orsamentu ba programa ne’e.

Eis Prezidenti  Republika,  Jose Ramos Horta ne’ebe  sai enviadu  Espesial husi Prezidenti Repblika Taur Matan Ruak iha simeira ne’e,  fo sai kestaun ne’e liu husi  Konferensia  Imprensa ne’ebe halao iha  salaun VIP  Aeroportu Internasional  Nikolau Lobato-Dili,  segunda (25/6),  hafoin fila husi simeira Brazil.

Tuir Horta,  deklarasaun  final ne’ebe fraku tebes,  tan ne’e labele konkorda tamba tansaun boot no konflitu  entre Rai riku no Rai kiik  too ikus  la konsege kria kondisaun  atu tau finansiamentu boot,  hodi  hare’e  luta kontra  pobreza no meiu-ambiente atu lao ho diak.

“Timor-leste marka  prejensa,  hau nu’udar  Enviadu  Espesial Prezidenti   Taur Matan Ruak,  apoiu mai husi Vice Ministru Negosiu  Estranjeirus,   hau nia opiniaun ne’ebe hau fo sai husi  diskursu mak deklarasaun final  ne’ebe sai fraku teb-tebes no hau  labele konkorda ho deklarasaun ne’ebe  fraku tebes,”   dehan Horta.

Iha deklarasaun ne’e,  tuir Horta,  laos Timor-Leste mesak mak la konkorda maibe Prezidenti França,  Prezidenti cabo-verde  mos la konkorda deklarasaun ne’e.   sira  konsidera deklarasaun ne’e fraku tamba la konsege hetan kondisaun diak atu tau finansiamentu ba dezemvolvimentu sustentavel  luta kontra pobreza.

“Iha deklrasaun ne’e la temi  orsamentu,  la temi ajuda,  ita  lee artigu 1 too final  la iha deit metan ida kualker  nasaun pronto atu tau ba  programa  bar-barak  ne’ebe iha kleur tiha  ona,”  dehan Horta.

Nia haktuir,  Mundo atu halo reuniaun ba Rio de Janeiru tinan  20 liu  ona ,  atu halo avaliasaun ba buat ne’ebe akontese.   Situasaun iha Mundo sei pior liu tan,  tamba tinan lima  mai sei  iha reuniaun barak kona  ba  mudansa  klimatika.

“Ita ba hetan lider  100 resin,  delagadus rihun  60  maibe too ikus  laiha  rezultadu konkretu, deklarasan ne’e konsesu,  atu hetan konsesu signifika  ita hotu tenki hatun ita nia ejijensia to’o konsesu ne’ebe la iha  substansia,” esplika  Horta.

Horta informa,  simeira ne’e frakasu  maibe laos  hanesan  Nasoes  Unidas  nia sala,  tamba difisil tebes ho krizi mundial  ekonomikamente akontese dadaun iha Amerika ,  Europa,  oinsa mak konferensia ne’e bele susesu.

“Hau nia proposta ne’ebe antes halo  hau haruka ba Prezidenti  Republika,  Primeiru Ministru,  hau la halo  deskursu ne’e  arbiru,  hau hakerek tiha ,  no aproveita tempu iha aviaun durante 30 horas,  haruka liu husi email,  no hetan aprovasaun,”  dehan Horta.

Horta fo hanoin katak, diak liu rejiaun iha Mundo konsentra ba rejiaun,  halo programa mobiliza osan  husi seitor publiku no  privadu atu bele lidera  prosesu,  maibe  ne’e hanesan ideia  tamba  hanesan fini  ne’ebe mak foin sae.

Previous Post

PD Prontu Sai Atan Hodi Servi Povu Iha Tinan 5

Next Post

PUN Husu Jornalista Serbisu Hamutuk Hodi Kria Kodiku Konduta

jesusa

jesusa

Related Posts

BEATRIZ NU’UDAR MANORIN DURANTE TINAN 22, SUSESU MÓS IHA ASOSIASAUN FADA
Gender Equality

BEATRIZ NU’UDAR MANORIN DURANTE TINAN 22, SUSESU MÓS IHA ASOSIASAUN FADA

December 7, 2023
Fundasaun Pátria ho Plan Internasionál Kontinua hakbi’it Jornalista Média Lokál sira
Notisia

Fundasaun Pátria ho Plan Internasionál Kontinua hakbi’it Jornalista Média Lokál sira

December 1, 2023
Xefu Suku Eleitu Bairu Pite Joanina Sei Tau Prioridade Programa Neen ba nia Komunidade
Notisia

Xefu Suku Eleitu Bairu Pite Joanina Sei Tau Prioridade Programa Neen ba nia Komunidade

November 29, 2023
Joven Bibileo Husu Sefe Suku Eleitu Kria Atividade Hodi Halakon Konflitu
Intervista

Joven Bibileo Husu Sefe Suku Eleitu Kria Atividade Hodi Halakon Konflitu

November 21, 2023
Ramos Horta “Se Governu la tau Importansia ba Ma-Nutrisaun iha Timor-Leste Labarik sei sai Defisiénsia Intelektuál”
Notisia

Ramos Horta “Se Governu la tau Importansia ba Ma-Nutrisaun iha Timor-Leste Labarik sei sai Defisiénsia Intelektuál”

November 15, 2023
Sobrevive husi Violénsia Doméstika, Feliciana Loke Restorante Tia Janner iha Maubara
Feature News

Sobrevive husi Violénsia Doméstika, Feliciana Loke Restorante Tia Janner iha Maubara

November 14, 2023
Next Post
PUN Husu Jornalista Serbisu Hamutuk Hodi Kria Kodiku Konduta

PUN Husu Jornalista Serbisu Hamutuk Hodi Kria Kodiku Konduta

Discussion about this post

Your browser does not support the audio element.
Fans na'in: mak rona hela
Loading ...
Winamp, iTunes Windows Media Player Real Player QuickTime Stream Proxy

POPULAR

  • DALIA SOARES PEREIRA FINALISTA CS-UNTL, HARÍ RASIK NIA MÉDIA

    DALIA SOARES PEREIRA FINALISTA CS-UNTL, HARÍ RASIK NIA MÉDIA

    1204 shares
    Share 482 Tweet 301
  • SERVISU VOLUNTÁRIU TINAN 13 IKUS MAI MARIA (EMI) HETAN KONFIANSA  SAI JESTORA IHA RÁDIO KOMUNIDADE RAIHUSAR

    389 shares
    Share 156 Tweet 97
  • Hasa’e Folin Tarifa DNTT Prende Ona Bís Haat

    376 shares
    Share 150 Tweet 94
  • RENOÇENCIA “Mane De’it Bele Suku Roupa Tanba Sá Ita Feto Labele Hadi’a Kareta”

    300 shares
    Share 120 Tweet 75
  • INSPIRA HUSI TUTORIAL IHA MEDIA SOSIAL, MAILA LOKE SALON RASIK

    283 shares
    Share 113 Tweet 71

KONTAKTU AMI

Avenida Hudi Laran, Usindo
Dili, Timor-Leste

Recent News

BEATRIZ NU’UDAR MANORIN DURANTE TINAN 22, SUSESU MÓS IHA ASOSIASAUN FADA

BEATRIZ NU’UDAR MANORIN DURANTE TINAN 22, SUSESU MÓS IHA ASOSIASAUN FADA

December 7, 2023
Fundasaun Pátria ho Plan Internasionál Kontinua hakbi’it Jornalista Média Lokál sira

Fundasaun Pátria ho Plan Internasionál Kontinua hakbi’it Jornalista Média Lokál sira

December 1, 2023
  • About
  • Advertise
  • Privacy & Policy
  • Contact

© 2021 Radio Liberdade Dili - Powered by FMDC & Hosted by Kalohan.NET

No Result
View All Result
  • Varanda
    • Vizaun & Misaun
  • Se Mak Ami
  • Notisia
    • Atualidade
    • Feature News
  • Gender
  • Desportu
  • Opiniaun
  • Artista
  • Foto
  • Programa Radio & Orariu

© 2021 Radio Liberdade Dili - Powered by FMDC & Hosted by Kalohan.NET