Radio, online – Ko’ordenador defisiensia TL, Joao Zito fo sai katak, Distrtitu Viqueque sai numeru permeiru ema defisiensia (ema alezadu) barak liu iha nasaun ne’e.
Joao Zito hato’o relatoriu ne’e relasiona ho loron mundial ne’ebe monu iha dia 2 de Dezembru. Selebrasaun ba loron importante no fo valoriza ema hotu nudar Maromak nia oan TL selebra hodi fo tema sentral “hamutuk, ita hadia mundu ne’e ba ema hotu inklui ema ho defisiensi iha dezenvolvimentu”. Selebrasaun ne’e halao iha jardim 5 de Maiu, Kolmera, Dili.
Ko’odenador defisiensia ne’e hatutan, depois distritu Viqueque sai hanesan ema barak mak hetan defisiensia tuir mos distritu Aileu, Liquisa, Lautem, Oe-cusse, Ermera, Baucau no ikus Distrito Dili.
Tuir Joao Zito bazeia ba relatoriu ONU nian defisiensia sira katak ema defisiensia kuase miliaun ida ne’ebe sai defisiensia no moris iha linha pobreza. Situasaun hanesan ne’e akontese dadaun iha TL bazea ba sensus nasional ne’ebe nomeru ema pobreza aumenta maka’as kada tintinan.
Joao Zito relata katak, feto no labarik sira defisiensia ne’ebe ke sai diskriminado no heta moris iha linha pobreza. Defisiensia sira seidauk gosa didiak direitu no dignidade hanesan sidadaun sira seluk.
Defisiensia hetan diskriminasaun la hetan asesu ba justisa.
“Ita nia governu tenki iha responsabilidade tamba ida ne’e isu global. Ita nia governu iha responsabilidade atu hare hodi tau matan,”Joao Zito apela.
Tuir Ko’ordenador ne’e katak, “ita nia defisientes sira nia moris iha komunidade sei hasoru diskriminasaun. Defisiensia babain la inkliu iha sira nia komunidade. Defisiensia sei kiak liu entre ema seluk no infrenta problema atu hetan servisu no defisensia nia vida badak liu kompara ho ema normal.
Iha fatin hanesan Presidente Republika Jose Ramos Horta ne’ebe marka prezensa ba loron mundia ne’e hateten, tinan hat ona governu atu remata ninia mandatu tinan, foin maka apresenta politika no foin mak atu aprezenta projeitu lei konvensaun ba Parlamentu Nasional tamba ne’e ida ne’e laos politik periodidade governu nian.
Xefi Estado mos rekoinese katak, defisientes Timor oan sira sei infrenta difikuldade tinan ba tinan, ne’e duni lalika mehi no fiar politika sira ne’ebe atu adopta iha fulan Janeiru ou Fevereiru nia laran tamba politiku agora sei preokupea ho eleisaun geral ne’ebe besik mai.
Nia saleinta liu tan katak,inan ho aman la bele terus deit ho imi maibe komunidade iha direitu atu ajuda ema defisientes sira bainhira lao iha dala, fo hahan, servisu komunitairu, moras ruma lori ba iha hospital.
Discussion about this post