Radio, online – Tragedia massakre 12 Novembru 1991 ne’ebe Juventude resistensia mate barak sai relembra hanesan memoria folin bo’ot ba foin sae sira iha ukun-an ne’e atu kuda metin Unidade Nasional (UN).
Kestaun ne’e hato’o husi Vice Kordenador Kominsaun 12 de Novembro Rogerio Castro iha premeiru Kongresu komisaun 12 de Novembru tersa, (8/11) iha Sentru Konvensaun Dili.
Rogerio hatutan, Juventude uluk kaer prinsipiu ida deit mak laiha ras la iha PSHT, la iha Sete – sete no seluk tan. Maibe Prinsipiu mak kaer metin Unidade nasional.
“Ita halo komparasaun uluk ho agora ne’e’e juventude agora halo arbiru deit mak hemu tua lanu kria grupo artemarsiais baku malu tun sae. Ami ijiji ba joven agora atu banati tuir dalan joven sira uluk. Nasaun ne’e presiza foin sae nia kontribuisaun maka’as,”nia aplea.
Nune’e mos komisaun 12 Novembru husu ba ba governu ne’e’ebe deit atu halo programa ruma ba joventude fo konfiansa fila fali ba Juventude sira atu juventude sira agora tau sira nian hodi estuda nafatin.
Selebrasaun ba loron juventude ne’e sei iha aktividade rua ma sei halo preparasaun kongresu nasional Primeiro ves ba Tian rua nolu no loron nasional Juventude nia .
Kordenador Konselhu Nasional Juventude Distritu Dili, Martino Almerio anima ba loron juventude ne’e sei iha aktivitidades desportiva ne’e komposto husi PNTL F-FDTL no Juventude inklui lider politiku sira.
Aktividades seluk mak hanesan, halo limpreja jeral no hasai ran (donor darah). Hasai ran atu ajuda ema ne’ebe menus ran iha ospital. Nune’e mos sei fahe medaila ba Vitima masakre 12 Novembro husi komisaun Veteranus .
Iha premeiru Kongresu ba komisaun 12 Novembru ho tema jeral “Hamutuk ita Kontribui ba Unidade Nasional no dezenvolvimentu nasional”.
Discussion about this post