Fohorem-Covalima – Paróqia Imaculado Coração de Maria Fohorem-Timor Leste hala’o program ida, ho naran “Animação Bíblia”. Programa ida ne’e, lao durante semana ida hahu husi 17 too 24 fulan Janeiru, 2025.Objetivu housi programa ida ne’e mak atu prepara animadór atu bele le’e no haklaken Maromak futarlia iha bíblia ba sira sira.
“Sai animador iha programa animação bíblia signifika sai ema ne’ebé mak fó anima (klamar) ba atividade lee no haklaken Maromak Futarlia,” dehan Padre Todi Manek, CMF, hanesan Kordenadór Animasaun Bíblia Missionários Claretiano Timor Leste.
Koodenadór espera animador sira ne’eé mak tuir ona programa ida ne’e bele akompaña sarani ne’ebé entrega ba sira atu ho ksolok lee no haklean bíblia. Atu nune’e, sarani hotu bele bazea sira nia moris tomak iha Maromak Futarlia tuir Igreja katólika nia hanorin.
Hafoin tuir formasaun animadór, katekista, madre no irman Canosiana, no irmão Claretiano sira iha Paróquia Fohorem prátika kedas oinsá akompaña labarik sira ne’ebé iha pre-eskolár no ensinu báziku.
Jacinta Gomes, professora husi eskola ESGP Nutetu de Fohorem, Covalima ne’eb’e partisipa mós iha formasaun ne’e agredese tebes tan hetan benefisiu, liliu matéria no metodu sirane’ebé nia hetan durante formasaun ne’e ajuda nia hanorin diak liu tan iha eskola no iha aplika iha família.
“Nudár manorin ida, ha’u senti iha duni benefísiu mai ha’u, oinsá atu hanorin no anima estudante iha eskola no hanorin ha’u nia oan rásik iha uma uza métodu ne’ebe mak ami hetan tiha ona iha formasaun ne’e .,” dehan Jacinta Gomes.
Iha fatin hanesan, madre Superiora Comunidade Canosiana Fohorem, Laura, FdCC, rekomenda atu programa ida ne’e sei kontinua ho adolexente, jovem, ferik-katuas kada fulan.
Reportajem : Todi Manek, CMF
Discussion about this post