Balibo-16/10/2023, Komemora loron Liberdade Impresa Timor-Leste, Pe.Urbanus Bunga Lolo husu jornalista Timor-Leste atu brani hodi banati tuir jornalista Australianu nain lima ne’ebé fo ona kontribuisaun hodi loke mundu nia matan ba povu Timor-Leste nia sofrimentu ba luta ukun rasik an.
Padre selebrante husu jornalista tenki hakerek notisia ne’ebé klaru, imparsial atu nune’e públiku bele asesu ho di’ak liu problema sosiál, polítika, ekonómia, edukasaun, saúde, agrikultura ne’ebé akontese iha area rurais no area urbana.
“Tanba ne’e husu ba jornalista tenke hatudu profisionál hodi banati tuir jornalista nain lima mai husi Australia hodi depende lia los maibé, ikus mai fo sira nia vida no mate tanba defende lia los ho nune’e jornalista atu aprende sai forte hodi fo sai informasaun ne’ebé kredivél ba públiku” dehan Pe.Urbanas Bunga ba Jornalsta sira iha Igreja Balibó iha misa agradesimentu ba selebra loron liberdade imprensa 16 de Outubru.
Tuir padre Urbanus Bunga Lolo hatene katak jornalista, maka sai matan tilun ba iha públiku liu husi informasaun ne’ebé akontese iha rai laran no rai liur hodi fo sai husi média online, jornal, radiu, televizasaun hodi nune’e públiku bele asesu ho diak no Jornalsta sai hanesan lapizera ida hodi hakerek tutan informasaun sira .
Ho nune’e jornalista tenke brani no defende lia los liu husi informasaun ne’ebé fo sai husi meius oi-oin tanba ne’e maka husu nafatin ba jornalista atu banati tuir jornalista Australia nain lima ne’ebéhusik familia sira iha Australia mai buka informasaun notisia investigativu iha Timor hodi fo sai ba mundu hodi hatene, ikus mai sira lakon sira nia vida. Nia konta
Ikus padre ne’e fo parabens ba jornalista Timor-Leste ne’ebé komemora loron importante ne’e husu nafatin maromak haraik grasa isin di’ak no brani depende lia los liu husi informasaun ne’ebé akontese iha nasionál no rejional hodi nune’e ukun nain sira bele resolve problema hirak ne’ebé akontese.
Iha sorin seluk, prezidente Konsellu Imprensa Otelio Ote, informa ohin Konsellu Imprensa hamutuk ho Sektretariu Estadu Komunikasaun Sosiál (SEKOMS) no parseiru internasionál no komunidade Balibo hodi komemora loron importante ida ne’e hodi hanoin hikas matebian sira nia sakrifisiu ba rai Timor-Leste.
“Tanba ne’e maka ita selebra misa ida ne’e hodi fo onra ba sira nia sakrifisiu ne’ebé sira halo ikus mai sira lakon vida tanba ne’e ita agradese no obrigdu ba jornalista nain lima nia kontribuisaun liu husi informasaun hodi hato’o ba mundu hodi hatene Timor nia terus no susar”.
Jornalista Australiano nain lima ne’ebé husik hela sira nia misaun iha trajedia “Balibo V” mak hanesan, Greg Shackleton, Tony Stewart, Gary Cunningham, Brian Peters no Malcolm Rennie.
Jornalista : Natalia de Araújo
Editor. : Jonas
Discussion about this post