Dili, 28 Setembru 2023– Governu Alemaña apoiu orsamentu ho montante kuaze , $400.000 Dollar Amerika ba Centro Nasionál Chega (CNC) hodi kontinua redezenvolve Muzeum Antigu Komarka Balide sai hanesan sentru importante ba estudu kona-badireitu humanus no prezerva istória pasadu nian.
Antes ne’e Centru Nasional Chega asina ona Nota entendimentu ho Embaxada Alemaña iha fulan Agustu tinan 2022 no remata iha fulan setembru tinan ida ne’e, ho nune’e, iha loron 28 fulan Setembru 2023, Centru Nasional Chega no Ambassada Alemaña asina tan akordu atu extende tan projetu ne’e to iha loron 31 Dezembru tinan 2024.
Tuir Diretor Ezekutivu Centru Nasionál Chega, Hugo Fernandes katak importante tebes atu kontinua projeitu ne’e tanba guvernu aleimena iha komitmentu apoiu digitaliza istoria sira iha komarka antigu Balide hodi sai sentru apriendizajen interativu ba jerasaun foun sira. Aleinde ne’e sei harii mos Jardim ba vizitante no sobrevivente atu halo reflesaun sei halo exepozisaun permanente iha Muzeum Comarca Balide.
“Tinan 24 ona ita esforsu hakerek ita nia istoria, maibe infelizmente ita seidauk iha istoriador barak entaun importante atu ita dokumenta istoria sira ne’e labele lakon atu nune’e sai memoria ba jerasaun foun sira tanba ita luta-nain sira balun idade ba dadauk entaun ita presija esforsu atu prezerva “dehan Hugo ba jornalista sira iha Centru Nasionál Chega, 28/09/2023.
Iha fatin hanesan, Ambassador of the Federal Republic of Germany in Jakarta Indonesia, Ina Lepel hatete Governu Alemaña hakarak apoiu Centru Chega tanba hare ba sira nia servisu ne’ebé mak importante tebes hodi prezerva ba memoria pasadu nian no atrai jerasaun foun hatene no apriende sira nia istoria pasadu hodi halo reflesaun.
“Governu Alemaña hakarak tebes servisu hamutuk ho Chega hodi hare ba iha prosesu jerasaun foun sira nian oinsá mak atu bele hatene kona-ba violénsia ne’ebe mak akontese iha tempu pasadu no jerasaun foun sira mós presiza aprende hodi hatene konaba istória konflitu no kauza ne’ebé mak sai ona memoria “dehan Ina Lepal.
Fatin istóriku ida ne’e Portugés sira harii iha tinan 1963 hodi dadur krimonozu baibain sira. Durante periodu funu sivíl iha tinan 1975, Fretilin kastigu UDT no Apodeti sira iha ne’e. Ikus mai durante periodu okupasaun, hahú fulan Dezembru 1975 to’o 1999 Militar Indonezia uza komarka ida ne’e hodi kastigu ema rezisténsia sira, inklui soldadu Indonezia ne’ebe indisiplinadu.
Jornalista : Natalia Araújo
Editor : Jonas
Discussion about this post