Silvia hanesan feto potensiál ida ne’ebé mak sai Jerente iha hotel Arbiru Beach. Nia remata nia estudu iha Jogja-Indonesia inklui tuir formasaun (sertifikado 4 iha Negosiu) iha Melbourne Australia ho nia esforsu no pasiénsia tomak daudaun ne’e servisu hanesan Jerente iha Hotel Arbiru Beach iha Timor-Leste.
Silvia Lay dos Santos, moris iha Reziaun Oe-Cusse, oan husi Antonio Polidoro dos Santos (Falesido) no Sofia Lay dos Santos (Felesida), oan ba danen (6) husi maun alin na’in 11. Silvia Gosta halo viagem, lee livru (self improvement) gosta halo kolega barak no iha paisaun iha area negosiu.
Foto Privadu Silvia
“Feto potensial ne’e hateten, Hau nia Role model mak ha’u nia maun boot (Pharmacist no servisu iha Melbourne) no hau nia biin boot (doutora Pediatria) sira rua hanesan ema nebe mak ha’u sempre haree ba no halo tuir ba tamba sira iha dedikasaun aas, disiplina, hadomi familia no laran osan mean” dehan Silvia
Jerente feto ne’e konta, esforsu sai hanesan nia agora ne’e la’ós buat fasil ida, maibé ita tenke liu husi prosesu lubuk boot, hasoru failansu barak no dezafiu oioin.
“Daudaun ha’u nia profisaun nu’udar gerente ou maneger iha Hotel Arbiru Beach Bebonuk, ha’u servisu iha Hotel ne’e besik tinan rua ona antes ne’e ha’u servisu iha NGO internationl no kompañia balun iha Dili laran” nia konta ba ekipa formandu sira.
Antes ne’e, iha tinan 2011-2012, Silvia servisu iha Ajénsia Viajen Fatubesi Tour and Travel. No iha tinan 2013 servisu fali iha kompañia Auditoria CCBS, no 2014-2015, Silvia servisu nudar jerente iha Kafé Letefoho. Iha tinan 2016-2017, nia hetan fiar hanesan Sekretária Ezekutivu ba Diretór UNDP no UN RR no iha tinan 2017-2019 Silvia muda ba Melbourne hodi akompanha nia kaben estudu mestradu iha Melbourne-Australia.
Durante Silvia iha Austrália, aproveita oportunidade hodi servisu iha restaurante Korea hanesan asistente ba Chef, house keeping iha hotel, ku’u aifuan iha tos, no mos fa’an kozmétiku (Oriflame) liu husi online, no konsege halo viagem barak ba cidade sira iha Australia. Husi esperiensia hirak ne’e forma Silva sai manager iha hotel ne’ebé koñesidu mos iha Cidade Dili.
Além de servisu iha área espesifika, Silvia mos sai koordenadór grupu peskiza ba Organizaun Naun Governamentál Internasionál iha tinan 2020 no konsultan iha International NGO antes nia mai servisu iha Arbiru Beach. Silvia mos sai nudar Diretora ba kompania SIMTRAS (Agensia tradusaun) no co-founder ba pagina Humans Of Timor-Leste (Iha FB) ho nia kaben.
Feto naturalidade Oecusse ne’e husik hela nia mensajen ba nia feto maluk sira katak, tenke iha vontade atu servisu no aprende buat foun lorloron, disiplina aan sai feto ne’ebé independente, forte, no diak ba ema hotu.
Reportajen: Ekipa Formandus Training GSR-2, Grup 2
Discussion about this post