Radio, online – Sekertario Estadu Consellu Ministru (SECM) no Universidade Nasional Timor Lorosae(UNTL) asina protokolu. Asina nota de intedementu ne’e halao iha loron Kinta, (9/2), iha palacio Governu Dili.
Reitor UNTL Aurelio Guterres katak objetivu asina protokolu ida ne’e ho objetivu koperasaun entre parte rua ne’e liu-liu oinsa mak atu bele buka esplora inisiativa sira ne’ebe ba oin parte kapasitasaun, rekursu humanus nomos oinsa mos atu bele ajuda Universitariu bele halo servisu no peskiza.
Nia afirma liu tan katak ba oin ami hakarak buka ami nia estudante sira mos bele aprende tan buat ruma liu husi estaziu no seluk-seluk tan.
Iha fatin hanesan Sekretario Estado Conselho Ministru, Agio Pereira hatutan katak, halo kooperasaun ho UNTL bele identifika kandidatus no habilizasaun atraves finansiamentu hodi bele loke haluan liu tan perspektivas governasaun nia sidadaun sira nian liu-liu tekniku no akademika sira.
Nune’e, SECM sei fo apoiu ba UNTL iha kursu sira ne’ebe mak iha korespondensia ho nia kompetensia sira (Direito no komunikasaun) hanesan liu husi organizasaun seminariu ka fakultasaun estajiu profisional sira.
Nune mos UNTL sei bele disponibiliza vaga ka sei kria asaun formasaun,estajiu no programa ba funsionariu no ajente sira SECM nian.husi parte rua ne’e hotu sei aparoveita estabelesimentu ba kinerjia ne’e,iha materia ensinu no kapasitasaun institusional.
Discussion about this post