Radio, online – Presidente da Republika (PR) Jose Ramos Horta liu husi nia vizita ba iha Quartel Geral F-FDTL Tasi tolu hodi enkoraza komando F-FDTL asegura seguransa iha nasaun ne’e.
PR Horta hatutan, nudar chefe estado nasaun ne’e iha kna’ar atu hare kondisoes F-FDTL no PNTL, tanba instituisaun 2 ne’e mak sai lutu ba nasaun ne’e nian. Xefi estadu hateten lia hirak ne’e Tersa foin lalais ne’e.
PR Horta fo sai katak, iha fatin barak mak ita nia military sira sei hela iha kondisaun ne’ebe ladun diak ba sira atu halao sira nia servisu. Tamba ne’e iha fulan Fevereiru 2012, Quartel geral F-FDTL sei muda ba iha Fatuhada ofisiu foun ne’e halo husi Xina.
Premeadu Nobel da paz ne’e husu ba Sekretariu Estado Defesa iha tempu badak nia laran bele rezolve problema sira ne’e mak militar infrenta.
“Hau husu atu tau urjenti hodi ajuda liliu ba sira ne’ebe halao seguransa iha fronteira tamba ita hare sira nia hela fatin ho kondisies ladiak,”Horta apela.
Nune’e mos PR Horta halao vizita ba iha Quartel Polisia Militar (PM), iha Kintal Ki’ik. Iha okziaun ne’e PR Horta husu membru tomak PM tenki hametin dame no estabilidade iha railaran
“Militar atu lao diak iha ita nia nasaun primeiru mak treinu tenki daik, sentidu disiplinan, espritu didikasaun,” Horta kometa.
Iha vizita ne’e Polisia Militar aprezenta relatorui saida mak durante ne’e halao no dezafiu saida mak durante ne’e infrenta.
Polisia Militar ne’e rasik hateten katak,mesmu polisia militar durante ne’e servisu ho diak maibe prekupasaun barak mak durante ne’e infrenta liliu ekpamentus ne’ebe hodi halao servisu.
Hatan ba dezairu hirak ne’e Sekretariu Estado Defeza (SED), Julio Tomas Pinto hateteten, Presidente Republika hare progresus ne’ebe iha tamba primeiru ves Presidente vizita ba iha edifisiu Polisia Militar tamba ne’e planu ba atende PM nian tama ona iha OGE 2012.
Iha vizita ne’e hetan akompanha husi Maijor General F-FDTL Lere Ana Timor no Brigadeiro Genderal F-FDTL Filomino Paixao.
Discussion about this post