Radio, online – Movimento Kamponeza Timor Leste ( MOKATIL ) sosiedade sivil ne’ebe proteze prodotu lokal sei halo espozisaun durante loron tolu, dia 15-17 Outobru relasiona ho loron mundial ba Ai han. Selebra loron ne’e Mokatil lansa ho tema jeral “Soberanaia ai han mak dalan atu hamenus kiak no mukit iha Timor Leste”.
Porta Voz MOKATIL Arsenio da Silva Pereira liu husi konferensia da empresa Kuarta, (12/10) iha Farol, Dili. Arsenio hatutan, halo espozisaun ne’e hatudu prodotu lokal ne’ebe agrikultur sira produs, hodi halo promosaun oinsa mak bele halo prosesa mento ba aihan.
“Ami sei hatudo arte jenato tamba durante ne’e ema sedauk valoriza no ami sei halo workshop sei kolia konaba direito konsumedores, problema rai, problema fini no problema ai han ne’e rasik tamba ema barak seidauk hatene,”dehan Arsenio.
Iha espozisaun ne’e aihan sira iha rai laran sei mai hatudu. Agrikultur sira ne’e mai husi Distritu 12 hamutuk ho Dili, distritu sira sei espo sira nia aihan koinesidu tuir sira nia distritu rasik. Ezemplu distritu Ermera sei halo espo sira nia kafe nia fuan no nia morin.
Manuel Monteiro membro MOKATIL kompleta hodi dehan, inprinsipiu husi espozisaun ba loron aihan mundia nian ne’e atu TL hanesan produtor tenki haka’as an hodi hasae kualidade prodotu rai laran dalan hamenus numeru importasaun aihan ba nasaun ne’e.
“Parte susesu ida husi luta movimento kamponese nian tamba dalan atu halakon kiak ita Timor Leste,”nia afirma.
Discussion about this post