Radio, online – Fundasaun Mahein (FM) hanesan Sosiedade Sivil ne’ebe halo analiza no peskiza ba iha area seguransa no defeza. Horseik FM iha dia (29/6) halo aniversariu ba daruak. Saudozu Komandante Virgilio “Ular Rihik” dos Anjos fo naran FM ho logo. Ular Rihik sai hanesan inspirator FM hodi hamrik metin ba iha futuru hodi kontrola seguransa, defeza iha nasuan ne’e.
Iha aniversairu ne’e Direto Ezekutivu FM Nelson Belo fo hanoin ba partisipantes iha edifisiu, Balide, Dili hatete, antes ukun-an mos Diretor ne’e familiar los ho Saudozu Ular.
Ho biban ne’e, haktuir, Nelson atu hari organizasaun ne’e halo konsultasaun klean ho saudozu. Naran ho logo mak FM uza, mai husi Ular Rihik nia hanoin rasik.
“Ami kaer nafatin espiritu Ular Rihik hodi kontribui ba nasuan ne’e.Ular Rihik bele mate maibe ami hahi nafatin Ular Rihik nia luta ba nasaun ne’e iha tempo resistensia no ukun-an ne’e. Ular Rihik mak ami nia inspirator hodi moris,”dehan Nelson hodi hanoin iha tempo neba.
Iha biban ne’e Diretor ne’e husu ba partisipantes sira maioria jornalista hodi husu, obrigadu ba jornalista sira nia kontribuisaun hodi nafatin fo sai peskiza no hanoin husi FM nian konaba situasaun rai laran iha area seguransa no defeza nian.
Nelson husu ba oin, media ho jornalista sira iha nafatin ko’operasaun diak ho FM atu fo hanoin importante ba ita nia nasuan husi aspeitu importante ne’e.
Iha fatin hanesan Diretor jornal Independete Mouzinho Lopes hatete, lolos ne’e nia prezensa atu halo kobertura. Maibe iha ajenda mos atu fo lia fuan. Mouzi hatete, iha nasaun ne’ebe deit parte seguransa no defeza sai importante tebes atu diskuti no hadia. dezenvolvimentu nasaun nia atu avansa parte seguransa no defeza sai barometer ba prosesu tomak.
Diretor media ne’ebe foin harik ne’e, husu ba FM atu halo kritika maka’as mos ba seguransa ho defeza mak halo la tuir lei.
“Hau fo obrigadu ba FM iha brani no espiritu maka’as hodi tau atensaun ba area seguransa no defeza. Tanba iha area ne’e kritiku liu,”Mouzi komenta.
Discussion about this post