Radio, online – Organizasaun Naun Govermental Internasional (ONG) The Asia Foundation fahe livru mobel ba eskola Instituisaun Professional Canossa Has Laran. Aktividade fahe livru ne’e halao iha salaun Instituisaun Professional Canossa Tersa, (21/6).
Tuir Program officer Doris Vila Nova The Asia Foundation ba Radio Liberdade online hateten katak, objetivu husi fahe livru mobel ne’e atu fo estudante sira hodi le’e atu nune’e aumenta estudante sira nia kreatividade.
“Ami iha programa edukasaun mak fahe livru ne’e hodi enkoraza estudante sira liliu iha Canossa ne’e bele sai aktivu ba le’e livru, hodi nune’e aumenta sira nia siensia no koinesementu ho klean liu,”Doris esplika.
Program officer iha area edukasaun ne’e hatutan, ho fahe livru mobel ne’e pasu ida bele ajuda ona Ministeriu da Edukasaun atu desenvolve edukasaun iha Timor Leste.
“Mekanismu fahe livru ba presiza prense request depois mak ami fo sira,”Doris hatutan.
Livru sira mak fahe komesa husi livru ensino basiku nia to’o nivel Universidade. Livru jeral ba siensia tomak.
The Asia Foundation mos halo parseiru ho Governu no Partidu Politiku sira liu husi livru sai hanesan edukasaun ba ema hotu. The Asia Foundation la fo livru ba individu maibe sira fo liu husi instituisaun.
Discussion about this post