Radio, online – Fundasaun Alola hanesan organizasaun nasional hare ba aktividades feto nian. Hare ba kondisaun saneamentu liliu be’e mos sai prekuasaun komunidade Dili laran.
Sosiedade sivil ne’e organiza dikusaun ho feto hamutuk 25 husi bairo hotu no mane nain 3 mak hola parte iha diskusaun ne’e, diskusaun ne’e liga liu be’e mos ho ema nia moris.
Lia hirak ne’e hato’o husi treinador Elizita Rogerio iha salaun treinamentu Kuarta, (8/6), iha Fundasaun Alola hateten katak, feto sira mos sai vitima ba be’e mos, tamba ema hotu iha mundo laiha laiha be’e mak saudavel sei la moris. Hare ba prekupasaun ne’e Alola foti inisiativa halo diskusaun ho feto maluk sira.
Elizita haktuir, iha vida moris lor-loron feto maka kontaktu maximu liu ho be’e mos. Ne’e duni asuntu be’e mos ne’e tenki involve feto sira.
“Ami nia dikusaun ne’e mos husu ba inan feto sira atu mos tau matan ba kanu sira mak at no fo atensaun ba aktividades ilegal dada be’e. Ami mos husu ba feto sira involve iha tekniku hodi kontrola be’e mos iha moris lor-loron,”dehan Elizita.
Iha fatin hanesan Maria dos Santos hanesan inan husi Aldeia Maucocomate suku Becora hatete, iha suku Becora problema be’e mos sai prekupasaun bo’ot komunidade iha area ne’eba.
“Hau espera ho dikusaun ne’e bele fo koinesementu diak ba ami atu utiliza be’e mos no oinsa kuidadu kanu sira no fo atensaun diak ba asesu be’e iha ami nia bairu,”Maria espera.
Discussion about this post