Oxfam Timor-Leste ho Asosiasaun Jornalista Timor-Lorosa’e halo ona Reflesaun ba Projetu Enchanted Media and CSO Engagement in Climate Justice Campaigns relasiona ho atividade media tour, nu’udar projetu ne’ebé finansia husi Oxfam Hong Kong ne’ebé implementa hodi promove no amplifika komunidade sira-nia hanoin no istoria Susesu sira relasiona ho adaptasaun ne’ebé lidera husi komunidade rasik hodi hasoru problema mudansa klimátika ne’ebé akontese iha Timor-Leste.
Projetu ho esforsu mútua no estratejiku ne’e estabelese ho finansiamentu husi Oxfam Hong Kong hodi suporta Oxfam iha Timor-Leste nia programa liuhusi servisu parseria ho Asosiasaun Jornalista Timor-Leste AJTL.
Oxfam iha Timor-Leste ho nia parseiru save AJTL iha projetu, Enchanted Media and CSO Engagement in Climate Justice Campaigns ne’ebé implementa ninia atividade save sira hanesan programa media tour ne’ebé hala’o ona iha Munisipiu Baucau no Lauten nomós sei kontinua tan iha Oe-Cusse- Raeoa no Ermera.
Atividade Media Tour sira ne’ebé durante hala’o ne’ebé hetan suporta mós husi grupu foin sa’e kreativu sira hanesan Klibur Estudante Juventude Suku Sagadate KEJUSS ne’ebé iha munisipiu Baukau no tos na’in sira seluk iha Munisipiu Lauten durante fulan Abril to’o Setembru 2024″.
Tuir Adilson da Costa nu’udar Jestor ba Programa haktuir agradese tebes ba AJTL nomós parseira husi KEJUSS bele hola parte iha reflesaun fulan 6 nian ba projetu OHK ne’ebé foka liu ba asuntu Mudansa Klimatika ne’ebé AJTL lidera no durante fulan 6 nia laran ba kotuk AJTL servisu hamutuk ho parseiru sira iha Munisipiu Lauten no Baukau Laga hodi implementa Programa Media Tour nomós produz boletin, reportajen husi Media Tour ne’e rasik ne’ebé iha plataforma media sira.
“Husi atividade hirak ne’e hotu iha nune’e Oxfam organiza refleksaun durante fulan 6 nia laran hodi haree fila-fali servisu sira ne’ebé durante ne’e ita halo no atinji duni objetivu ne’ebé mak iha, nune’e mós bele hadia di’ak liutan servisu no parseria ne’ebé iha entre AJTL ho OXFAM” Hateten Nia bainhira ba Jornalista sira bainhira remata refleksaun iha Salaun Alma do Mar Liquica Sexta Feria ohin
Programa Media Tour ne’ebé ita sei planu iha fulan 6 tuir mai husi Outubru to’o Marsu ita sei kontinua Media Tour iha Munisipiu rua mak Ermera ho Oe-Cusse ho papel hanesan mak halo kobertura hodi rona povu nia lian kona-ba impaktu husi Mudansa Klimatika afeta ba sira-nia moris no meius substansias hotu.
“Rezultadu Media Tour sei ajuda públiku atu hatene liuliu politiku na’in sira atu bele uza dokumentasaun ka informasaun mai husi jornalista sira atu Informa sira-nia planu no programA politika hodi responde ba problema mudansa klimátika ne’ebé afeta ba komunidade sira-nia moris”
Nune’e Adilson mós relata katak, husi refleksaun ohin ne’e hamosu rekomendasaun balu, tanba ne’e primeiru ita sei hadia liña kordenasaun husi Oxfam no AJTL inklui mós ho parseiru sira ne’ebé halo servisu iha kampu segundu oinsá utiliza informasaun sira ne’ebé hetan ona, hanesan dadus husi kampu ne’ebé iha husi Programa Media Tour nomós produsaun boletin Media Tour.
“Produsaun Infografiku no informasaun hirak ne’e importante tebes hodi fahe mós ba politiku na’in sira, ema hirak ne’ebé iha poder hodi foti desizaun nune’e bele intergra iha sira-nia politika programa no orsamentu hodi bele asegura katan problema impaktu Mudansa Klimatiku bele hetan atensaun husi governu”.
Programa Menejer esplika tan Governo iha nivel Central no governo lokal bele responde ba maluk sira ne’ebé hetan impaktu boot, liuliu ba maluk feto sira, inklui Ita-nia maluk ho nesesidade espesifiku hanesan ema ho difisiensia ne’ebé dalabarak hetan risku boot husi impaktu Mudansa Klimatiku ne’e rasik.
Entretantu momentu hanesan Prezidente AJTL Zevonia Viera hatutan Oxfam ho AJTL parseiru liuhusi projetu Oxfam Hong Kong ne’ebé liga liu ba papel média nomós sosiedade civil ne’ebé halo advokasia hodi luta ba justisa klimatika no impaktu husi Mudansa Klimatiku ne’ebé akontese ihaTimor-Leste.
“dezafius no rekomendasaun ne’ebé durante ita hasoru bele buka solusaun hodi ba oin bele hadia di’ak liutan, planu atividade sira ne’e presiza halo tan to’o iha tinan oin” Tenik Nia iha Alma do Mar Liquica foin lalais ne’e.
Tanba ne’e Oxfam ho AJTL halo Reflesaun ba atividade projetu sira ne’ebé foka ba Media Tour ne’ebé durante ne’e hala’o iha Munisipiu Lauten no Baukau nune’e oinsá refleta fila-fali rezultadu saida mak hetan ona.
Jornalista: Maria de Rosa
Editor: Natalino Ximenes
Discussion about this post