Dili, 29-05-2023| Asosiasaun Jornalista Timor-Leste (AJTL) servisu hamutuk ho ONG OXFAM iha Timor-Leste organiza Media Tour ba Media no Jornalista sira hodi halo kobertura ba problema sira ne’ebé komunidade sira hasoru relasiona ho problema mundansa Klimátika iha postu administrativu Loré munisípiu Lautem.
Strategy and Engagement Lead Oxfam in Timor-Leste, Adilsonio da Costa Junior dehan, programa Media Tour henesan asaun ba justisa klimátika ne’ebé OXFAM servisu hamutuk ho AJTL nu’udar parseiru estratéjiku ida oinsa foti papél hodi halo kobertura ba mudansa klimátika nia impaktu ba komunidade.
“Média Tour ne’e sei hala’o durante loron rua iha munisípiu Lautem, postu administrativu Loré hodi halo kobertura asuntu oin-oin liga ho agrikultura, enfraestrutura estrada, produsaun agrikola, Rekursu bee no rai inklui ambiente ne’ebé hetan afeta husi mudansa klimátika” hateten Adilsonio liu husi pres konferensia iha OXFAM.
Adilsonio konklui katak, liu husi programa Media Tour espeta lao ho di’ak no jornalista sira sei hetan informasaun ne’ebé natoon sai hanesan evidensia hodi kontinua informa ba Governu no polítika nain sira oinsa sira nia programa polítika ho orsamentu ba asuntu prioriedade ba situasaun mudansa klimátika ne’ebé fó impaktu ba komunidade sira nia moris iha área rural.
Prezidente AJTL Zevonia Viera apresia ba parseiru OXFAM iha Timor-Leste ne’ebé kontinua tau importansia ba Asosiasaun Jornalista Timor-Lorosa’e hodi halo advokasia ba probrema mudansa klimátika liuliu advokasia makaas kona-ba imoportasia hasoru justisa klimátika.
“AJTL kontinua kria espasu ba nia menbru sira atu kobertura no hakerek barak hodi haforsa lian kbi’it laek sira nian ne’ebé hetan afeta husi injustisa klimatika liuliu to’os nain sira, ema vulneravel sira, ne’ebé hetan impaktu boot husi mudansa klimátika” Haforsa Prezidente AJTL.
Programa Media Tour ne’ebé hala’o iha Postu Administrativu Lore Munisípiu Lautem durante loron tolu kompostu husi media Online, Imprime no Eletroniku hamutuk média 17.
Molok atu viajen OXFAM ho AJTL organiza uluk workshop konvida ONG La’o Hamutuk hodi fahe esperensia no informasaun kona ba orsamentu ne’ebé governu iha ba asuntu liga mudansa klimátika no mos Grupu produtivu Foinsa’e sira sira Husi PERMATIL no KEJUSS hodi fahe sira nia esperesia servsisu hanesan halo konservasaun rekursu be’e hodi hamenus problema injustisa klimátika.
Atividade Media Tour ne’e realiza tanba AJTL kolabora ho OXFAM iha Timor-Leste no hetan fundus husi OXFAM iha Hongkong.
Jornalista : Natalino Ximenes
Discussion about this post