Dili,16/04/2024 – OXFAM Timor-Leste servisu hamutuk ho Asosiasaun Jornalista Timor-Leste (AJTL ), hodi organiza Media Tour ba Munisípiu Ermera atu kobre asuntu Agrikultura, Joven feto no mane, inklui Ema ho Defisiénsia no komunidade LGBTIQ+ sira nia kreatividade hodi apoiu ekonómia família nian, iha istoria susesu balun, hodi nune’e bele uja dadus no informasaun sira ne’e hodi influénsia Governu atu bele tau importansia no buka solusaun ne’ebe sustentavél ba komunidade sira.
Antes hala’o Media Tour, jornalista sira sei partisipa seminariu ho tema “Haforsa Lian no Kreatividade Foinsa’e Sira Inkluzivu” durante loron rua ho oradores husi ONG La’o Hamutuk no Sekretariu Estadu profisional no Emprego (SEFOPE), hafoin prepara planu kobertura ka T.O.R.
Reprezentante Diretor programa OXFAM Jude Pereira hatete nia apresia tebes ba AJTL tanba bele servisu hamutuk nafatin ho OXFAM hodi hare ba atividade Media Tour nian ne’ebe mak hare ba asuntu sira hanesan joven feto no mane komunidade LGBTIQ+ema ho defisensia inan feto ferik no katuas sira nia kreatividade ne’ebé mak balun susesu ona no balun sei iha hela prosesu nia laran iha munisipiu sira.
“Agradese ba atividade media tour tanba jornalista sira tun direta iha baze hodi haree faktus ne’ebe mak realidade ita nia sosiedade sira hasoru no hetan dadus direta husi baze no promove mos joven feto, mane, komunidade LGBTIQ+, Ema ho defisénsia sira ne’ebe mak iha ona kreatividade ne’ebe mak susesu ona”, dehan Jude.
Prezidente AJTL Zevonia Viera hatete kada tinan OXFAM ho Asosiasaun jornalista T-L sempre kria media tour no halibur jornalista sira mai husi media oi-oin hodi halo kobertura ba asuntu sira ne’ebé mak dalaruma governu sira mos la tau importansia ba ema sira ne’ebe mak iha kreatividade no iha skill ka matenek oi-oin hanesan joven feto no mane komunidade LGBTQI+ ema ho Ema ho Defisensia sira iha area rural.
“Ohin loron ita hare jornalista barak mak halo kobertura ba iha serimonia sira de’it no halo kobertura ba asuntu sira iha sidade ne’e de’it, tanba ne’e AJTL no OXFAM nafatin kria Media Tour hodi halibur jornalista sira atu halo kobertura ba asuntu sira ne’ebe akontese iha baze, haree liu ba iha setor Agrikultura joven feto no mane komunidade LGBTIQ+ no ema ho defisénsia inan feto ferik no katuas sira nia kreatividade iha area rural sira”, dehan Zeovonia Salaun OXFAM T-L.
Iha semináriu ne’e iha orador nain rua husi ONG La’o Hamutuk no SEFFOPE no grupu joven nain tolu husi Ermera no total partisipante 14 kompostu husi media Eletroniku, Imprime no Online, hafoin prepra T.O.R, jornalista sei ba halo kobertura iha munisípiu Ermera.
Jornalista: Natalina De Araújo
Discussion about this post