Dili,13/10/2023, UNFPA servisu hamutuk ho Asosiasaun Jornalista Timor-Leste (AJ TL)hodi fornese informasaun ba jornalista sira bazeia ba evidensia kona-ba saúde seksuál no reprodutivu iha Timor-Leste, atu nune’e bele aumenta liu tan jornalista sira nia kapasidade iha àrea hakerek nótisia sira liu-liu iha parte saúde nian.
Ho nune’e Nasoins Unidas no Asosiasaun Jornalista Timor-Leste ofisialmente asina memorandun entidimentu ida ho objetivu atu promove direitu saúde seksual no reprodutivu iha Timor-Leste liu husi relata nótisia bazeia ba evidensia dezaminasaun informasaun.
Tuir prezidente AJTL Zevonia Vieira hatete katak kolaborasaun estratejika ida ne’e aproveita rede jornalista ne’ebé boot iha AJTL nia laran ne’ebé kobre plataforma media oi-oin no konbina ida ne’e ho esperensia espesializadu husi UNFPA nian iha direitu ba saúde seksual no reprodutivu no mos kona-ba saúde maternal, prenvensaun ba, violensia bazeia ba jeneru, empoderamentu envolvementu ba foinsa’e no mos ba populasaun sira ne’ebé ladun hetan intendimentu.
“Asosiasaun Jornalista Timor-Leste apresia tebes ba kolaborasaun husi UNFPA tamba primeira vez foin mak hala’o no foku liu ba iha saúde feto nian no liga mos ba jornalista sira oinsa mak atu halo kobertura kona-ba violensia bazeia ba jeneru inklui violensia hasoru feto no labarik feto sira tamba importante tebes ba media nia kobertura ne’e atu halo advokasia bele hamuda ema nia hahalok no oinsa mak influénsia ukun nain sira nia desizaun atu bele halo protesaun ne’ebé diak ba grupu vulneravel sira’’ dehan Zeovonia Vieira ba jornalista sira iha Caicoli Dili,13-10-2023.
United Nations Population (UNFPA) Reprezentative in Timor–Leste Pressia Aráfin Cabo, hateten sira presiza tebes servisu hamutuk ho AJTL tanba média nia papel importante tebes hodi dezamina informasaun ka isu sira ne’ebé juventude nian no inan maternalidade sira nian inklui isu foun ne’ebé akomtese ho nune’e mak sira presiza tebes media sira atu bele fo sai informasaun ne’ebé kredivél ka lolos ba públiku.
“Iha era digital ida ne’e, ho espalla nótisia falsu no informasaun sira ne’ebé lalos bele fo impaktu ba feto no labarik feto sira nia moris, liuliu bainhira hasoru desizaun sira ne’ebé komplikadu ba partu, bainhira no iha ne’ebé mak buka tulun karik hetan violensia, prevensaun ba infeksaun hada’et husi relasaun sekxual sira, no isin rua ho idade kiik, UNFPA hare papel kritiku husi media sira ih dezaminasauninformasaun ne’ebé lolos kona- ba topiku sira, hanesan sira serve nu’udar fonte informasaun dahuluk ba populasaun maioria, liuliu ba foin sae sira ne’ebe asesu ba interneet ‘’dehan Pressia Aráfin.
Asosiasaun Jornalista Timor- Leste no United Nations Population (UNFPA) espera katak ba oin jornalista sira sei halo kobertura liuliu iha area saude nian no foku liu ba iha saúde feto no labarik feto sira nian inklui inan maternidade sira, no jornalista sira mos sei publika notisia ne’ebé bazeia ba faktus no fó sai informasaun ne’ebé kredivel ba publiku.
Reportagen : Natalia Araújo
Discussion about this post