Dili, 05 Jullu 2023– Atu preserva dokumentu luta nian Célcio Ximenes de Oliveira nu’udar Joven Resisténsia 1996 entrega karta ne’ebé nia simu husi Xanana Gusmão ba Arkivu Muzeun Resisténsia Timorense (AMRT).
Karta rua ne’ebé joven resisténsia ne’e entregra simu eis komandante da luta Xefi Kay Rala Xanana Gusmão hodi lori ba diaspora hodi hatutan politíka Timor nian ba komunidade Timor oan iha rai liur atu nafatin iha maturidade politíka nasaun nian ba ukun rasik an.
Célcio Ximenes de Oliveira Entrega Dokumentu ba AMRT
“Karta rua ne’e rasik ha’u simu husi Eis Xefi da Luta Kay Rala Xanana Gusmão oinsá konvense ita nia maluk sira iha ra liur hodi kontinua luta atu atinje ukun rasik an”, Célcio informa iha Sede AMRT (Kuarta ,05/07/2023).
Joven ne’e hateten, valor tebe-tebes karta rua ne’ebé nia simu husi Eis Xefi Kay Rala Xanana iha Cipinang (Indonézia) molok desloka ba Portugal hodi hatutan luta Klandistina iha diaspora.
“Karta rua ne’e nia orientasaun la hanesan ida Eis xefi husu atu ko’alia ho maluk sira UDT tanba diferensa hanoin liafuan CNRM no CNRT no Segundu Xanana husu atu ko’alia ho juventude Azilio politíka atu sira respeita funu no lider sira iha rai liur, no grupu soliedaridade internasionál ne’ebé apoiu Timor-Leste ba ukun-an”, nia orgullu.
Dokumentu ne’ebé jove resisténsia ne’e simu durante tinan 27 nia rai no kuidadu iha nia moris, nune’e loron 05 fulan jullu nia mai entrega ba AMRT sai hanesan dokumentu importante luta nian.
Fatin hanesan Embaixador Timor-Leste ba Reino Unido João Paulo da Costa Rangel, ondrado no agradese ba estrutura Muzeun Resisténsia Timorense ba servisu no kolaborasaun di’ak ho antisipa dokumentu importante sira liuliu istória Timor nian.
“Lori komunidade iha Reino Unido hato’o ami nia apresisaun ba Sr Hamar Antoninho Baptista ne’ebé preserva ona dokumentu importante sira mesmu ké iha kondisaun balun la diak maibé ami hare’e ita boot sira nia servisu di’ak tebe-tebes,” Afirma nia.
Sorin seluk Diretor Ezukutivu Arkivu Muzeun Resistensia Timorense (AMRT), Hamar Antoninho Baptista Alves, orgullu ho joven resisténsia Célcio ne’ebé apoiu tan dokumentu luta nian sai hanesan testamuña no informasaun ba jerasaun tuir no ba futuru.
Entretantu Embaxador Timor-Leste ba Reino Unido ho Lider sira reprezenta komunidade Timor oan iha Reino Unido mai Timor iha semana rua liubá hodi partisipa serimonia tomada posse ba Governu foun VI legislatura.
Jornalista : Aura & Yanti
Editor. : Jonas
Discussion about this post