Ermera,23/02/2023– Kondisaun Eskola Ensino Báziku Central Dukurai, Postu Administrativu Letefoho, Munisípiu Ermera afeta makas ba krize mudansa klimátika iha tinan 2014 to’o agora seidauk iha reabilitasaun nune’e halo estudante sira senti pániku tuir prosesu aprendizajem iha tenpu udan no anin, tanba fó amesa tebes ba estudante sira nia vida.
Tuir Diretor Eskola Ensino Báziku Central Dukurai António Soares hatete, profesores no estudante sira lakon konsentrasaun bainhira hala’o hela prosesu aprendizajen mak udan ka anin entaun difilkulta ona sira nia konsentrasaun no halo sira trauma tanba kondisaun eskola hetan risku makas, hodi sira deside hapara prosesu aprendizajen iha tenpu udan, no nia dehan sira nia relata ona probema ne’e ba servisu Edukusaun Munispíu Ermera maibé seidauk iha resposta.
“Eskola ne’e hari’i iha tinan 2010 no kondisaun eskola ne’e hetan afetadu makas husi mudansa klimátika halo rai halai no parede sira nakfera semente sira nakloke inklui ai no kalen mos a’at hotu iha tinan 2014 to tinan 2023 seidauk halo reabilitasaun ba eskola refere entaun situasaun ida ne’e prezudika tebes mai ami ho estudante sira hotu“, haktuir António ba jornalista sira iha Eskola EBC Dukurai
Diretor Eskola EBC Dukurai, António Soares hatudu hela kondisaun Eskola ba Jornalista sira /foto ekipa Media Tour
Haktuir tan husi manorin Emilia de Deus katak, momentu prosesu apredizajem la’o mak akontese udan obrigadu sira foti dezisaun haruka estudante sira fila ba ida-idak nia uma tanba kondisaun eskola nian mak halo sira tenki atensaun bebeik bainhra udan no anin boot.
“Ami nia eskola ne’e hanesan foóhela risko makas mai ami no estudante sira tanba paredi lolon sira nakfera no ai ho kalen mós frujiu ka mamar hotu ona no bainhira hanorin hela mak hare rai nakukun hodi hamosu udan no anin boot entaun ami tenki haruka estudante sira fila hotu ba ida-idak nia hela fatin”, dehan Emelia.
Reprezentante estudante Dukurai, Horacio Magno informa sira senti ta’uk tanba kondisaun eskola ne’ebé sira aprende ba garve tebes ba sira bainhira hala’o prosesu aprendizajen, nune’e fó risku ba sira kuandu udan no anin boot halo rai halai.
“Ami sente trauma tebes bainhira hala’o hela prosesu aprendijajen iha klase laran kuandu udan no anin bo’ot halo eskola sira sempre nakdoko no kalen no ai sira mós tarutu halo ami nia konsentrasaun ba materia lakon hotu no profesór/a sira haruka ami fila ba ida-idak nia uma” nia informa ba Jornalista sira iha eskola EBC Dukurai.
Total estudante ne’ebé tuir prosesu aprendizajem iha eskola refere iha tinan ne’e husi 10 to’o 60 ano feto no mane hamutuk na’in 58 husi númeru inklui estudante ho kondisaun difisiénsia nain 1.
Discussion about this post