Radio, online – Aktual Prezidenti da Republika Jose Ramos Horta hanesan mos kandidatu duvida ba Prezidenti foun mai atu lori Timor Leste tama iha komunidade Assosaition South East Asia Nation (ASEAN) iha tinan oin mai.
“Hau ses an husi Prezidenti ita bele tama ASEAN ga lae? Hau duvida mos kapasidade prezidenti foun wainhira troka hau,’dehan Horta ba jornalista iha Palacio Prezidensial Aitarak laran, Dili, (14/2).
Kestaun duvida ba kandidatu sira seluk ne’e mak dudu Horta re-kandidatu –an atu hare ba politika eksterna atu lori TL tama ba ASEAN hanesan mehi povu hotu nian.
“Hau hateten ba ita bo’ot sira, hau iha relasaun diak ho lider ASEAN hotu, ne’ebe dalan ba hau iha atu lori ita nia nasuan ba komunidade ASEAN,”dehan Horta ho konfiansa.
Membru ASEAN hotu apoiu TL tama iha tinan ne’e, maibe entrope husi nasaun Singapura tamba, Singapura lakoi lori problema foun kuandu nasaun iha ASEAN rasik sei iha problemas. Hanesan problemas iha Myanmar, Filipina, Thailandia no Kambodia.
Discussion about this post