JSMP Husu PN Debate Lei Reparasaun no Instutitu Memory Publiku

Radio, online – Sosiedade sivil trata asuntu justisa, Justice System Monitoring Programe (JSMP)
husu ba governu AMP, antes atu  remata  mandatu tenki halo debate no aprova lei reparasaun no instutitu memory publiku ne’ebe sei pendente iha gaveta Parlamentu Nasional.

Preokupasaun ne’e hato’o husi Diretor ezekutivu JSMP liu husi konferensia da empresa iha edifiu JSMP Kolmera, Segunda(6/02). 

Diretor JSMP ne’e hatutan, esbosu lei kona ba programa nasional ba reparasaun no esbosu lei konaba hari’i institute publiku ba memoria buka atu implementa rekomendasaun xave sira husi Comisasao de Akolhiamentu Verdade e Reconsiliacao (CAVR) nomos Comisaun Verdade Amizade (CVA).

Tuir Luis,  lei rua ne’e  asina tiha ona husi membru Komisaun A Parlamentu Nasional maibe PN tenki iha obrigasaun halo debate hafoin aprova lei rua ne’e, antes lei rua ne’e bele sai lei Timor Leste nian hodi atende ba vitimas da guera.

Lei reparasaun ba vitima no instutitu memory publiku atraza no pendente husi kedas 29 setembru 2010, maibe PN rasik planea tiha atu debate lei ne’e iha sesaun estraordenariu durante loron tolu fulan Fevereiru tinan 2012, maibe PN kansela tiha debate ne’e ho rasaun ne’ebe la klaru.

“Hau husu PN tenki  aprova lei rua ne’e tamba lei  rua ne’e atu kura kanek ema no komunidade sira ne’ebe mak sofre violasaun direitus umanus ne’ebe grave,  tamba tuir lei Internasional, vitima violasaun direitus umanus tenki iha asesu ba reparasaun kompletu no efetivu,”Luis argumenta.

Tuir JSMP lei reparasaun importante tebes ba nasaunTimir Leste atu asegura paz no estabilidade no hatan ba abuzu iha tempu pasadu iha sosiedade sira ne’ebe hetan esperiensia violensia maka’as. Maski nune’e Timor Leste agora ukun rasik an ona ema barak kontinua terus nafatin tamba konsekunsia husi violasaun direitus umanus ne’ebe sira hetan iha pasadu.

Tamba ne’e JSMP enkoraza Parlamentu Nasional debate lalais esbosu lei rua ne’e hodi hetan aprovasaun antes mandatu remata iha period lejislasaun ida ne’e. J

SMP konsedera wainhira PN debate no aprova esbosu rua ne’e signifika katak distintus Deputadus iha PN respeita no manifesta no solidaridade ba sofrementu  vitima no familia vitima sira ne’ebe durante ne’e hein hela estadu nia intervensaun.