Radio, online – Prezidenti da Republika (PR) Jose Ramos Horta husu ba governu no doadores sira atu fo apoiu finanseiru ba jornalista Timor oan sira hodi halao kobertura espesial ba eleisaun jeral 2012.
“Hau apelu ba PM Xanana ne’ebe laran murak tebes, hanesan hau nia maun bo’ot ne’ebe mos hanesan ema jornalista no fotografia ne’ebe diak tebes. Hau husu atu tau apoiu ba ita nia jornalista sira hodi halao knar iha eleisaun mai ne’e,”dehan PR Horta iha ninia servisu fatin.
PR Horta mos mensiona doadores sira mak prezensa iha TL atu iha hanoin mos ba media sira ne’ebe sei kosok oan hela. PR Horta fiar governu ho doadores sei lolo netik liman hodi ajuda jornalista sira.
Premeadu Nobel da Paz ne’e husu apoiu ba jornalista mak hanesan osan ruma, laptop, makina fotografi digital, gravador, motor no kareta pick-up no seluk tan.
Iha fatin hanesan Prezidenti Parlamentu Nasional Fernando Lasama de Araujo rekoinese jornalista Timor oan susat tebes hodi halao knar. Lasama konsedera apelu husi PR Horta permennti no importante tebes hodi tau konsedersaun.
“Ami konsedera konsedera PR Horta nia apelu ne’e, karik iha momentu liuba liu husi aprezentasaun Orsamentu Geral do Eestado (OGE) ami bele aprova,”dehan Lasama.
Discussion about this post