Radio, online – Universidade da Paz (UNPAZ) ofisialmente halao serimonia yudisum ba estudante 85 hanesan rekoinesementu husi fakuldade katak, estudante hirak ne’e akaba ona hodi hetan diploma (S1). Estudante husi 85 ne’e mai husi fakuldade Relasaun Internasional no Politika dezenvolimentu.
Serimonia Yudisium ne’e halao iha Kampus UNPAZ Tersa, (6/12). Reitor UNPAZ Lucas da Costa iha nia palestra dehan ba finalista katak, durante ne’e dosente esforsu maka’as, tamba ne’e estudante husi 85 ne’e hetan yudisium. Tuir agenda graduasaun sei halao iha loron 17 fulan ida ne’e.
“Iha tinan-tinan estudante UNPAZ sei aumenta tan, tanba povu komprende ona katak relasaun internasiona ne’e presija dezenvolve, tanba ekonomia, politika sosial ne’e hotu tenke liu husi relasaun internasional no politika dezenvolimento,”dehan Lucas.
Lucas fiar katak, iha tinan ida ne’e estudante sei mai barak tanba finalista husi 85 nia susesu. Ba futuru UNPAZ nian Reitor UNPAZ ne’e aberta katak, “Hau sei presiza ita bo’ot sira mai hanorin fali iha ne’e, UNPAZ sei la foti disente husi liur. Maibe iha husi imi nain 85 ne’e iha ema nain tolu nolu resin mak sei hetan subsidiu husi governu. Ba tinan ne’e UNPAZ hetan subsidiu husi governu hamutuk 120,”Lucas akresenta.
Husi estudante husi 85, Julio da Silva Guterres husi fakuldade politika dezenvolvimentu hetan valor bo’ot liu ho nilai valor IP 4,00.
Reprezentante ina-aman, Albano Salomo ho laran kontenti, tamba liu husi UNPAZ eduka estudante sira sai kualidade hodi hadiak nasaun ne’e no moris sosial nian iha futuru nasaun TL.
“Ami inan-aman fo agradese bo’ot dosente sira ne’ebe durante ne’e eduka ami nia oan sira hodi ohin loron konsege hetan rezultadu diak. Ami la iha buat murak atu fo maibe ami so hatetet deit agardese,”dehan Albano
Reprezentante estudante Julio da Silva Guterres ba radioliberdadedili.com senti kontenti hanesan estudante UNPAZ. “Ami la iha buat diak ida atu oferese ba reitor no dosente sira tamba, ami hatene no sente ona katak sakrifisiu bo’ot hanesan foho no luan hanesan tasi ne’ebe la iha sasukat.
Ba oin ami presiza tebes inan-aman no familia sira nia atulun hodi ami hakat ba oin nafatin tamba sensia nia rohan la hotu. Wainhira ita sei iha is ita sei presiza aprende nafatin,”estudante hanesan mos jornalista ne’e espresa.
Discussion about this post