Radio, online – Forsa Militar husi Portuga liu husi ko’operasaun ne’ebe halao durante ukun-an ne’e nafatin fo kapsitasaun F-FDTL iha futuru.
Xefi Estado Major General Lere Anan Timor hato’o informasaun ne’e wainhira hetan vizita espesial husi Xefi Estado Major General do Exersito Portuguesa Jose Luis Pinto, iha Quartel Geral F-FDTL Tasi-tolu, Dili (30/11) foin lalais ne’e.
Lere hatutan, objetivu husi vizita foka liu ba kapasitasaun F-FDTL nian iha futuru, liliu iha koperasaun teknika militar. Alende ne’e General TL fitun rua ne’e informa konaba situasuan seguransa no defeza iha rai laran ba General Portuguesa ho fitun hat ne’e.
“Ita nia forsa iha Portugal durante ne’e infrenta mak lingua, tamba ne’e ami sei buka dalan para forsa Portugal hodi fo formasaun lingua ba Forasa F-FDTL,”Lere akresenta.
Lere rekoinese katrak, koperasaun tenkniku ho pais hamutuk 20 resin maibe Portugal nia formasaun lilu liu ba ofisiais to’o General. Ezemplu haruka hau nia Vice Meno Paixao ba tuir kursu, maske Portugla iha krizie nia laran, maibe nafatin kapasita forsa F-FDTL. maibe sira pronto nafatin fo formasaun ba ita nia militar sira.
Iha vizita ne’e General Lere entrega Medalha F-FDTL nian nune’e mos General Luis entrega medailha bronzu ba Lere no F-FDTL.
Discussion about this post