Radio online – Sekertaria Estado Seguransa (SES) liu husi Orsamentu Geral do Estado (OGE) propoin orsamentu ho montante milauun 19 dollares Amerikanu hodi atende eleisaun geral 2012. Propoin orsamentu ne’e hodi aloka ba PNTL hodi fo seguransa ba eleisaun geral tinan oin.
Informasaun ne’e fo sai husi Sekertariu Estado Seguransa, Francisco Guterres ba jornalista Kinta, (13/10) iha uma fukun PN hafoin halo diskusaun ho komisaun B asuntu defeza seguransa.
SES husu ba PN deskuti konba alokasaun orsamentu ba PNTL ne’ebe atu uza ba aktivida tinan ida ne’e no ba elisaun jeral 2012.
“Ami propoin no halo diskusaun ne’e oinsa atu halo aktividade iha tinan ida ne’e inkliu mos elisaun jeral 2012 la iha revijaun husi Depuado sira maibe so Depuado sira tau kestaun mak jestaun internal maibe orsamentu sira konkorda,”dehan Francisco.
Adjuntu Komisariu PNTL Afonso de Jesus konfesa, PNTL halo ona preparasaun ba elisaun 2012 mak oinsa mak atu halo alokasaun komando ba iha fatin eleisaun iha distritu 12 iklui Dili.
“Durante ne’e ami halo liu liu UN sira mak fo atu aminia komando bele kresponde elisaun jeral 2012 nia hodi elisaun lao susesu pas no dame,”dehan Afonso
Sosiedade Sivil Fundasaun Mahein Nelson Belo liu husi observasaun, elisaun 2012 atu susesu ne’e los PNTL nia tomak tamba ne’e Governu peresiza hare servisu intregado.
FM husu ba CNE Presiza halo lei iha espesifiku atu bele regula politiku nain sira ne’ebe mak wainhira halo kampanha iha elisaun. Militantes Partido politiku sira wainhira komete krimi iha prosesu tomak ba eleisaun nian polisia tenki kaptura.
FM rekomeda katak, seguransa laos deit iha instituisaun PNTL ho F-FDTL nia liman maibe komuniade tomak Iha Timor laran atu fo nia kontribusaun tomak ba eleisaun ne’e bele lao diak.
Discussion about this post