Radio, online – Tuir planu, klinika Kimia Farma husi Indonesia sei asina akordu SAMES iha Outobru ou Novembro nia laran atu fa’an no sosa ai moruk mai TL.
SAMES ho Kimia Farma hanesan emprezario publiku.
“Iha 2012 ita sei la infrenta problema ai moruk no kompres emerjensia sei la akontese. Problema lolos ne’e mak ita seidauk prudus aimoruk rasik,”dehan Ministru da Saude Nelson Martins ba jornalista hafoin remata iha diskuasaun Kinta, (01/09).
Relasiona ho problema ai moruk, mina ho transferensia moras ba estranjeiru Ministru da Saude hakat ba Parlamentu Nasional hasoru malu ho komisaun F hodi halo diskusaun klean hodi atende ho diak liutan.
“Hau mai hasoru malu ho kolega Deputadu sira iha komisaun F ne’e hodi esplika konaba prekupasaun povu no Deputado sira konaba menus ai moruk, mina no transferensai moras ba rai liur, Nelson informa.
Nelson esplika liutan, konaba problema ai moruk, infrenta situasaun dala barak, ho nune’e mak ai moruk menus. Problema mos sosa aimoruk ne’e iha India ne’ebe do’ok idepois aimoruk mai mos menus.
Nelson fiar katak, atu atende ba problema ai moruk Primeiru Ministru aprova ona orsamentu. Tamba ne’e Ministeriu da Saude halo hela kompras tamba tina ha’at nia laran. Asuntu seluk mak SAMES seidauk iha fundo kapital atu funsiona hanesan emprezario puliko.
Iha lei No II- 2004 hateten katak, tenke fo fundu ba SAMES hodi sai hanesan emprezariu publiku, maibe to’o agora osan ba ida ne’e seidauk. Parlamentu Nasional sei halo workshop ho Ministeriu da Saude atu diskuti konaba problema ai moruk no SAMES nia statutu lolos.
“Ita nia Primeiru Ministru ho Prezidenti Republika Indonesia liu husi SAMES asina akordu ona atu faán ai moruk mai iha ita,”Nelson informa.
Deputadu Komisaun F Mateus de Jesus dehan, Komisaun ne’e bolu urjenti Ministru Saude tanba hare ba problemas sosial hanesan iha ospital sira hotu aimoruk menus los.
Iha okaziaun ne’e mos husu ba Ministru Saude atu tau atensaun ba transferensia moras ba iha esntrajeirus ne’ebe povu barak kestiona tanba atedementu kleur ba moras sira mak atu halo tratamentu iha rai liur.
“Ema barak kestiona konaba mosu kolusaun ih Ministeiru da Saude ba orsamentu tratamentu saude hare ba liu familia,”Mateus hateten.
Discussion about this post