Radio, online – Movimentu estudante husi Distritu Baucau hamutuk ho familia Saudozu Comandante David Alex alias “Dai-Tula” husu ba Ministeiru Publiku nomos Serios Crime Unit (SCU) ne’ebe hari husi ONU hodi kaptura eis General fitun lima, Try Sutrisno hodi responsabiliza aktus ne’ebe halo iha pasadu.
Asaun manifestu ne’e halao wainhira Tri Sutrisno ho komitiva husi Indonezia mai partisipa desmobilizasaun Falintil iha dia 20 de Agostu 2011, iha Palacio Governu.
Asaun spontania ne’ebe halo ema sira partisipa iha loron FALINTIL ne’e hakfodak. Movimentu estudante Baucau ho familia saudozu Dai-Tula lori mos spanduk koor mean ho lia fuan hateten
“Dezmobilizasaun FALINTIL 20 de Agostu, Iha Ne’ebe Comandante Dai-Tula…?. Husu Estadu Timor Leste ho Indonezua Atu Hateten Comandante Ne’e nia paraderu”. Mannifestu kuaze ema 50, asaun kuaze 30 minitus.
Porta voz Movimentu Estudante Distritu Baucau Celestino Gusmao hatete, asaun ne’e hodi hatudu fo ba eis General TNI Try Sutrisno 1988-1993 hodi responsabiliza ema sira nebe’e lakon no ate agora seidauk hetan, Comandante Dai-Tula.
Estudante ne’e husu ba governu TL tenke ko’opera ho Indonesai atu ema ne’ebe lakon ne’e mos, enterga sira nia mate isin. Tanba informasaun iha komunidade nia le’et katak ema nebe’e lakon dehan sei moris.
“Ami halo manifestasaun ne’e tamba ami nudar povu Timor oan senti triste ba ema balun lakon, Indonesia la intrega ba ita. Maibe intrega deit kilat no farda. Ami husu ba Tribunal Internasional atu hare kestaun ne’e bazeia ba konvensaun internasioal,”nia rekomenda.
Familia lakoi publika nia naran hateten, “Hau hare ba nia kolega sira hau senti triste no matan ben tamba hau nia familia ne’e hau rona deit no hare deit nia retratu . Ami familia husu ikus liu mak husu deit mate isin Dai-Tula hodi ami halo’ot didiak nudar ema resitensia,”nia dehan ho matan ben.
Hare ba asaun ne’e laiha agenda, la kleur polisia hakat ba manifestu hodi hapara tiha asaun ne’e. “Imi iha direitu atu halo asaun, maibe labele halo ema moe tanba ita konvida ema atu mai partisipa iha ita nia serimonia ne’e,”dehan polisia ida iha tereinu. ho nune’e asaun ne’e mos para tiha. iha fatin ne’e Polisia Militar F-FDTL ida husu retratu Saudozu comandante Dai-Tula hanesan lembransa.
Discussion about this post