Radio, online – Internasional Center For Journalist (ICFJ) iha parseira ho Assosiasaun Jornalista 5 iha nasaun ne’e. Hodi fasilita servisu Assosiasaun 5 ICFJ entrega uma hanesan National Press Center.
Assosiasaun jornalista 5 ne’e mak hanesan Timor Leste Jounalist Assosiation (TLJA), Sindikato Jornalista Timor Leste(SJTL), Assosiasaun Radio Komunidade Timor Leste(ARKTL), Timor Leste Photographers Assosiation(TILPA) no Centru Jornalista Investigativu Timor Leste (CJITL).
Serimonia entrega uma ba Assosiasaun 5 ne’e halao iha Fatuhada, (19/8). Projeitu hari’i uma National Press Center ho fundus husi programa ajuda governu Australianu(Ausaid). Total orsamentu ba konstruksaun ba iha edifisiu ne’e hamutuk US$90,000.00 (rihun sia nolu dollar Amerikanu).
Edifisiu ne’e sei fornese fatin servisu ba Jornalista Timor oan no fatin seguru ida ba jornalista sira atu halo sira nia kna’ar.
Xefi Nasional AusAid, Vincent Ashcroft, sente kontente tebes atu suporta National Press Center, hein katak sentru ida ne’e sai tulun atu hari’i kapasidade jornalista sira no hadia liu tan profisionalismu midia iha nasaun ne’e, fatin ne’e mos sei iha promosaun demokrasia iha nasaun ida ne’e.
Reprezentante Presidente Assosiasaun jornalista 5, Otelia Ote hateten, sente kontente tebes tamba Governu Ausaid iha ona analisis. National Press Center ida atu bele kontrola nafatin ba midia nia prosesu lor-loron bele atinzi hamutuk iha tempu ida.
Otelia afirma liutan, assosiasaun 5 hetan edifisiu foun ne’e hanesan istoria ida ne’ebe sasukat iha tinan lima tuir mai no nia mos lori jornalista sira sente kontente tebes tamba governu liu husi Vice Premeiru Ministru Jose Luis Guterres iha ninia deskursu deklara katak, nasaun la iha liberdade tamba lia fuan ida ne’e mak durante ne’e midia sira koko atu luta.
Otelia promete katak Fundusaun fundu ba midia ne’ebe mak hari’i sei servisu makas ba ida ne’e no sei simu responsabilidade ba aktividade tuir mai ne’e. Husu ba parseiru sira ne’ebe bele kontinua fo fo apoiu ba press center ne’e.
Entertantu Diretora ezsekutivu Fundasaun Fundu Ba midia Suzana Cardozo espera katak, liu husi kolaborasaun liu husi kolega jornalista sira hotu ita sei fori liu tan servisu jornalismu Profisionalismu iha timor leste forti liu tan,tamba ne’e nia hein nafatins ajuda husi doadores no organisasaun seluk atu suporta nafatin atu nune’e ita nia midia timor leste servisu forti liu tan liliu atu hasoru eleisaun tinan oin mai.
Iha fatin seluk Vice Primeiru Ministro Jose Luis Guterres iha ninia diskurusu fo parabens ba governu Australianu kontribui edifisui ba Midia no kria mos kondisoes bele forma jornalista sira ba futuru
Atu taka Vice PM ne’e husu ba jornalista atu aproveita didiak ba uma ne’ebe hodi kapasita no fo formasaun ba jornalista sira.
“Ita nia lei fo dalan ba ema hotu bele koalia ho liberdade, ho problema hirak ne’ebe nasaun hasoru. Hau fiar katak ita nia nasaun la bele ba oin tamba wanhira la iha liberdade imprensa. Ho prezensa media hodi ita politikus no ekonomis la bele hanehan povo ne’e,”nia komenta.
Nune’e mos ICFJ entrega sertifikadu ba jornalista nain 3 ne’ebe durante tuir formasaun TOT (Training of Trainers). Jornalista nain 3 ne’e mai husi Jornal Nasional Diario Joao da Silva, Bussines Timor Joanico Guterres no Jornalista husi Timor Post Joao Amaral Damas.
Serimonia lansamentu edifisiu National Pres Center ne’e partisipa husi Vice Primeiru Ministro Jose Luis Guterres, reprezentante governu Australianu (AUSAID) Director sira Husi Midia ida-idak, Sosiedade Sivil NGO nasional, Internasional hamutuk Jornalista sira.
Discussion about this post