Radio, online – Nasaun ida atu sai dezenvolvidu presiza priense husi ema matenek sira. ohin, Timor Leste hakat lao dadaun, estudante Universidade Nasional Timor Lorosa’e hamutuk 609 hetan graduasaun.
Serimonia graduasaun ne’e halao iha salaun Centro Convensaun Dili (CCD) Kinta, (18/8).
Vice Primeiru Ministru Jose Luis Guterres iha nia palestra hateten, governu fo parabens, tamba UNTL ohin (18/8) hakat ba tinta osan me’an. Tamba nasaun ne’e aumenta tan ema matanek.
“Hau husu ba graduandu sira tenke responsabiliza matenek ne’ebe imi hetan hodi implementa iha povu nia le’et no dezenvolve nasaun ne’e,”Vice PM ne’e apela.
Iha biban ne’e Vice PM fo agradese ba graduadu sira hotu no inan aman, tanba ho esforsu tomak dudu oan sira kontinua eskola hodi akaba Universidade ne’e. Povo Timor Leste senti orguilo ho prezensa matenek sira aumenta ba bebeik.
Jose Luis hatutan, Timor Leste hatu’ur iha lei inan Konstituisaun RDTL artigu 59 ne’e lao ho Ministerio Edukasaun tenke serbisu atu ensinu superior nebe governu hari ne’e bele lao ho diak. Governu hari ne’e ho objetivo atu forma Timor ona ho altu nivel tuir kuadru da referensia Internasional.
“Sira ohin graduandu ne’e tama iha ensino superior, tamba ne’e governu AMP husu ba kualker Partidu Politiku nebe’e ukun rai ne’e AMP fiar katak ema hotu sei respeita autonomia akademika,” dehan Vice PM.
Husi granduandu 609 ne’e, inkluindu staff Timor Leste Media Development Centre (TLMDC) ho naran Frangky Raturomon dos Santos husi Fakuldade siensia Edukasaun arte e Humaniora.
Partsiapa iha graduasaun ne’e husi Sekretaru Jeral parido Fretilin Mari Alkatiri, Prezidenti Fretilin Francisco Guterres “Lu-Olo”, Vice Primeiru Ministru Jose Luis Guterres hamutuk ho familia husi Graduandu.
Discussion about this post