Radio online – Kordinador IT Radio komunidade Lospalos Francisco Hornai lakonteti ho Kompaña Timor Telekom ne’ebé fo apoiu ho liga internet gratuita ba stasaun Radio Komunidade Lospalos iha tinan kotuk maibe agora dadaun redi refere la funsiona.
“Timor Telekom ( TT) fo ajudus internet Gratuita ne’e iha Tinan 2009, ami bele asesu de’it durante fulan rua, iha fulan rua ne’e ami fo sai programa tips, notisia disporto, no notisia nasional no internasional, depois de fulan rua ne’e ami la asesu ona”. Dehan Francisco.
Francisco Hornai hateten tan katak, pior liu mak Timor Telekom hatudu (Pamer) fali ami-nia foto iha Hotel Timor no iha Website Timor Telekom ne’ebé halo hau la kontenti tamba internet Radio Komuniade Lospalos la la’o ona durante tinan ida resin.
“Ami hato’o bebeik ona problema ne’e ba Staff tekniko Timor Telekom maibé to’o agora laiha rejultadu, no ami mos direitamente hasoru pesoal sira iha Nasional maibé nafatin de’it, Entau lalika pamer fali ami nia foto tamba ami la’os projetu”.
Iha sorin seluk komuniade ne’ebé lakohi publika nia identidade informa katak iha tinan kotuk liu ba ami akompaña duni programa balun ne’ebé fo sai iha Radio komunidade Lospalos maibé besik tinan ida resin ona ami nunka rona fali program tips no nutisia nasional no internasianal iha Radio Komuniade Lospalos.
“Tamba ne’e ami husu ba governo no kompaña Timor Telekom atu bele hare fila fali ba failansu sira ne’e tamba informasaun ne’e importante liu mai ami ne’ebé hela iha area remota, no radio ida ne’e mak besik liu mai ami”.
Radio Komunidade Lospalos (RCL) harii iha tinan 2002 no halao ninian knar hodi fasilita informasaun ba komunidade sira iha area distritu Lautem tomak.
RCL hahu servisu hamutuk ho kompaña Timor Telekom hodi halo ligasaun internet gratuitu iha tinan 2009.
Discussion about this post