Radio, online – Ministru Turismu Komersiu no Industria Gil Alves husu tan orsamentu ho total $ 1 miliaun hodi kompleta ba fasilidade iha merkadu Manleuana ne’ebe hari husi governu hodi nune’e vendedores sira mak oras ne’e iha merkadu Comoro, Halilaran, no Taibesi ba hotu iha ne’eba hodi utiliza.
Liu despaisu MTCI Merkadu Manleuana sei fo deit ba Timor oan mak utiliza, bandu ema esranjeirus mak namkari iha nasaun ne’e hanesan Cina, Bangladesh, Indonezia no Vietnam hodi utiliza uma sira mak iha merkadu nia laran.
Kestaun ne’e Gil Alves hato’o iha Centru Convensau Dili, Kaikoli Dili Tersa, (2/8/), wainhira partisipa iha programa governu nian konaba aprezentasaun programa no dezafiu, ne’ebe lidera husi Premeiru Ministru Kay Rala Xanana Gusmao.
“Hau tenki husu osan ne’e tanba nesesidade importante ba povu. merkadu fatin ida nagosiu povu ki’ik sira hodi hatutan moris,”nia realsa.
Gil hatutan, merkado Manleuana vendadores sira sidauk bele utiliza, tanba merkadu refere sei aumenta tan orsamento ba fasilidades hanesan seguransa, posto ba kareta tama- sai no be’e mos atu nune’e bele ajuda liu tan kondisoens diak ba vendadores sira.
Tuir planu iha tinan ida ne’e, vendedores husi merkadu Comoro no Halilaran bele uza. Maibe orsamentu la to’o atu aloka ba iha fasilidade tanba ne’e sei muda fali ba iha tinan oin. Tanba ne’e governu presisa aumenta tan orsamentu.
Antes ne’e Gil mos hatete, merkadu Taibesi agora sidauk bele rezolve tanba kompensasaun ne’e bo’ot tebes provolta de sesenta kasas, nebe iha rai laran. Banhira kompensasaun orsamentu bo’ot liu gasta ba merkadu tanba ne’e sei hein tempo
Ba futuru planu MTCI nian, merkadu Taibesi sei la uza ona. Sei konsentra ba iha merkadu Manleuana ho merkadu Becora.
Mario Ximenez vendedor merkadu Comoro apoiu ba governu hodi hari’i merkadu foun, maibe husu ba governu tenki hanoin labele muda merkadu Comoro ho Taibesi, Halilaran ba hotu iha fatin ida. “
Hau husu diak liu governu rehabilita merkadu Comoro ho nune’e bele balansu ba vendedores sira,’nia komenta.
Discussion about this post