Radio, online – Komunidade Distritu Aileu, Sub-Distrito Aileu Villa, Suku Aisirimou la satisfas ho Radio komunidade Rai Husar Aileu tanba Manager rasik la iha interese ho estsaun radio maibe interese liu ho ninia privadu.
Observasaun direitamente jornalista husi radio liberdade Dili Kinta, (21/7) notak katak, edifisu radio refere kondisaun fiziku estadaun ladun diak no la iha kondisaun sufisiente ba jornalista atu halao servisu jornalismu nian. La piha rograma ka orientasaun ba jornalista ba halao kobertura aktiviadades governu, Sosiedade sivil, nomos aktividades komunidade Distrito refere .
Pessoal de Apoiu Administrador Suco Aisirimou, Jose Almeida hateten, nia rasik la satisfas ho Manager radio komunidade Rai Husar, tanba Manager laiha interese ba estasaun radio refere. Dala ruma atu halo moris radio no hamate radio la iha kolaborasaun servisu hamutuk ho ninia membrus sira.
“Iha tempu badak nia laran atu troka manager radio komunidade Rai Husar Aileu tanba banhira radio la transmiti informasaun ne’e hanesan impaktu bo’ot ida ba komunidade iha area refere tanba radio importante tebes atu desmina informasaun ba komunidade atu hatene klean liu tan kona ba situasaun iha rai laran,” Jose akresenta.
Iha fatin hanesan Fatima Ximenes De Jesus nudar komunidade ne’ebe hela besik radio hateten katak, sente triste tebes tamba radio refere dala ruma transmiti no dala ruma la transmiti problema ne’e akontese laos foin maibe dala barak ona
Jornalista Radio Rai Husar Filomino Do Rego informa, Manager radio refere la iha interese ba radio maibe halalo liu interese privadu.
“Ami triste ho hahalok Manager radio ida ne’e, tanba ne’e iha tempu badak nia laran sira sei bolu manager radio refere hodi halo dialogo ho komunidade hodi nune’e komunidade sira mos hatene tanba saida mak radio ne’e lao ladun diak,”nia komenta.
Discussion about this post