Radio, online – Problemas rai laran sai hanesan droga, jogus no prostituisaun sai prekupasuan partido historiku FRETILIN. Lakoi povu ho nasaun ne’e nia imajen at delegasaun FRETILIN ba hasoru malu urjenti ho Bispo Dioseze Dili Dom Alberto Ricardo iha nia rezidensia (20/7) foin lalais ne’e.
Timor Leste hanesan nasaun foun, sei infreta problema barak ho limitasaun rekursu umanu no fasilidade, maibe lalaok globalizasaun mundu nian halo Timor Leste tenki infrenta sitasaun saida deit mak akontese.
Deleasaun partido FRETILIN mak ba hasoru ulun bo’ot Dioseze Dili ne’e mak hanesan Deputadu Fancisco Miranda Branco, Jose Texeira, no Josefa Alvares.
Hasoru malu ne’e koalia konaba problema Droga, Jogus no Prostituisaun ne’ebe agora dau-daun eziste iha Timor Leste.
“Problema hirak ne’e fo impaktu ba familia uma kain sira komesa nakdoko (retailadu) no bele halo situsasaun estadu sai fraku,” dehan Deputadu Francisco Miranda Branco.
Branco hatutan, situasaun rai laran deskontroladu, hodi halo movimentu no influenza droga no prostituisaun lao lais liu, hodi fo impkatu ba ita joventude no jerasaun foun sira aban bainrua monu ba situasaun ida ne’ebe halo fraku nasaun ne’e.
Partidu FRETILIN nudar Partidu bo’ot iha responsabilidade moral no politika, hodi ba hasoru igreja no koalia ho Bispu nudar figura responsavel moral iha nasaun ne’e.
“Ita nia problema rekursu umanu no laiha laboratoriu iha ita nia instituisaun PNTL, hodi halo ezaminasaun ba identifika material ruma ne’ebe polisia prende, hodi sertifika katak, material ne’e droga duni. Durante ne’e ita haruka ba halo ezaminasaun laboratoriu iha rai liur, maibe ita rasik laiha rekursu ne’ebe bele garante katak material droga ne’e mak ida ne duni ka laos?, entaun halo ita nia situasaun sai frazil liutan,” Branco esklarese.
FRETILIN hare ba situasaun no kondisaun ne’e halo servisu PNTL senti preokupadu tebes, bainhira haruka kazu hirak ne’ebe indika involve iha krimi uza droga ba tribunal. Tamba material laiha komprova laboratoriu, ne’ebe ita nia PNTL rasik mak halo hodi sertifika katak, material ne’e droga duni. Dehan Branco.
Bem Vindo Frente Mudansa
Konfirmasaun konaba pozisaun politik Partidu FRETILIN nian ba statutu Partidu FRETILIN mundansa ne’ebe hetan tiha ona legalidade husi Tribunal Rekursu.
Branco hatete, Partidu FRETILIN fo Benvindu, tanba FRETILIN desde uluk kedas too agora defende demokrasia ho multi partidaria. Sei la konsidera Partidu FRETILIN mudansa hanesan ameasa hodi impaktu ba Partidu FRETILIN ne’ebe lidera husi Lu-Olo -Mari Alkatiri hodi manan iha elisaun jeral 2012.
“Bem vindo ba partido Frente Mudansa hodi kompete iha eleisaun, ita hein ninia rezultadu,” dehan Branco ho hamnasa.
Iha fatin hanesan bainhira konfirma konaba nomeisaun kandidatura partidu FRETILIN ba Elisaun Prezidensia 2012. Tuir
Branco, seidauk bele halo spekulasaun se mak atu kandidatura, maibe buat hotu tenki tuir prosedementu no prosesu politik FRETILIN. “Iha tempu badak CCF sei halo publikasaun ba publiku se mak sai kandidatu ba eleisaun prezidensiais,”Branco afirma.
Discussion about this post