Radio, online – Relasiona ho kestaun benefisiariu Abilio da Costa la hetan nia direitu subsidiu idiozus husi Ministeriu Solidariedade Sosial (MS) tanba Abilio da Costa muda hela fatin la iha ko’ordenasaun ho xefi suku nune’e mos la iha karta rekerementu husi xefi suku nia hela ba.
“Ami sei la fo sunbsidiu ba idiozus sira ne’ebe mak muda sira nia hela fatin husi suku seluk ba suku seluk wainhira laiha karta rekerementu husi xefi suku.
Ne’e prosesu legal ne’ebe mak ami tenki halo tuir,”dehanDiretora Nasional Seguransa Sosial Aida Maria Soares ba radio liberdade Kuarta, (13/7) iha nia servisu fatin.
Liga ho kazu idiozus Abilio nian, antes ne’e, Abilio da Costa simu sibsidiu iha sub-distritu Vera Cruz, distritu Dili. Agora Abilio muda nia hela fatin, hodi hela iha suku Waibobo, distritu Viqueque.
Kazu Idiozus Abilio nian mos, foin lalais ne’e halo pagamentu ba ferik-katuas sira iha teritoriu tomak. Benefisiairu Abilio hakarak hetan subsidiu iha suku Waibobo, maibe tama ba sistema la simu atu Abilio simu iha suku Waibobo. Ho ida ne’e MSS la selu Abilio nia direitu.
Tuir Diretora MSS fo subsidiu bazeia kartaun elitora, tamba ne’e husu ba Idiozus Abilio da Costa atu hatama karta rekerimentu husi Xefi suku.
Lakoi lakon direitu, Abilio nia oan mane obriga atu MSS selu. Maibe MSS bazeia ba lei no baze legal la fo. Ho ida ne’e kazu ne’e Abilio nia oan mane hato’o karta hodi keisa ba Parlamentu Nasional. To’o notisias ne’e hatun, PN seidauk foti asuntu ne’e iha publiku.
“Kazu hanesan ne’e barak ona, ami rezolve tuir dalan legal. Barak mak simu fali ona. Tiu Abilio hakarak simu nia direitu lakoi ulun fatuk moras, simu iha Dili. Se’e lakoi simu iha Dili diak liu halo karta rekerementu husi xefi suku,”Diretora ne’e rekomenda.
Discussion about this post