Radio, online – Estadu Unidus Amerika (EUA) liu husi ninia ajensia Internasional USAID hamutuk ho Millenium Challenge Corpotarion (MCC). Cassal & Associate ne’ebe servisu iha area prevensaun anti korupsaun organiza diskusaun meja kabuar ho jornalista ho KAK oinsa bele koinese klean liutan konaba kazu korupsaun.
Diskusaun ne’e halao iha edifisiu Cassal & Assosisation, Vila Verde Tersa, (12/7). Jornalista mak partisipa diskusaun ne’e mai husi RTL, STL, Timor Post, Timornewsline, Radio Labeh, Radio, no Radio CRC.
Xefi programa manajer Cassal & Assosisation Brian Pinkowski hatete, liu husi diskusaun ne’e hodi hasae diak liutan servisu jornalista no servisu KAK iha area anti korupsaun.
Iha parte media nian, importante jornalista no editor bele hakarek no detekta kazu korupsaun ne’ebe iha indikasaun bo’ot buras iha nasaun ne’e.
“Ami nia intereses mak TL hanesan nasaun ida livre husi korupsaun, hodi foti TL nia kompartamentu iha nivel internasional,” Pinkowski hatete.
Tuir Pinkowski hahalok korupsaun ne’e hanesan buat ida ne’ebe nakfera iha komunidade nia le’et. Korupsaun halo povu sai kiak, prosesu dezenvolvimentu nasau la lao no grupu balu mak goza moris. Liu husi diskusaun ne’e hodi dudu koinesementu jornalista atu hatete lalok korupsaun.
“Media parte importante ba halakon Korupsaun. Jornalista sai baze informasaun lolos ba entidade tomaku,” Pinkowski espera.
Organiza diskusaun ne’e Mahamed Boakai lori materia konaba oinsa jornalista halo kobertura konaba isu-isu korupsaun. Hodi garante media nia knar stadu RDTL tau iha konstituisaun fo liberdade ba media hodi halao knar.
“Notisias korupsaun nian mak sai bebeik ba publiku dalan hodi muda ema nia mentalidade at hakarak naok osan povu nian ba intereses povu nian,”dehan Boakai.
Jornalista RTL Bety hatete, liu husi diskusaun ne’e hodi fo koinesementu klean tipu-tipuk korupaun no oinsa jornalista hakerek notisias konaba korupsaun bele atrai publiku hodi akompanha. “Ita nia knar, oinsa governante uza osan ne’ebe iha tau intereses ba povu no nasuan ne’e,”dehan Bety.
Rosario de Araujo husi Komisaun Anti Korupsaun iha area edukasaun kampanha hatete, esforsu nasuan TL hodi halakon KKN ne’e mak forma KAK. Antes ne’e iha governu nia okos iha inspeksaun jeral depiois hari PDHJ. Hare ba PDHJ nia knar ne’e loan liu hodi nune’e hari KAK hodi atende espesifiku kazu korupsaun.
KAK nia knar iha parte rua mak hanesan halo prenvensaun ba hahalok korupsaun no halo investigasaun ba kazu korupsaun. Tuir planu iha fulan ida ne’e nia laran kazu balu KAK investiga julga ona iha Tribunal.
“Ami iha korazen luta ba korupsaun, tanba ita adopata kovensaun bar-barak ona no promete katak ita lakoi moris iha korupsaun hodi fo terus povu,”nia komenta.
Discussion about this post