Radio, online – Estudante no politikus Timor oan sira mak luta iha Indonezia, sei la haluha Ibu Ade. Liliu ba eis prizioneiru Cipinang sira. Ibu Ade Rostina Sitompul ho idade 72, moris iha 12 Dezembru 1938. Koinesidu ho naran ibu Ade, fila hikas ba Aman Maromak nia kadunan santa. Iha ospital Cipto Mangunkusoemo, Jakarta loron Sesta, 8 Julho 2011 liuba.
Ibu Ade hanesan feto ida involve aktivista Direitus Humanus. Ibu Ade iha tinan uluk hetan mos kondolensia husi estadu RDTL tanba nia kontribuisaun bo’ot ba prosesu luta Independensia Timor Leste.
Ho prezensa Ibu Ade simu kondelensia husi povu ho estadu RDTL, iha 20 de Maiu 2009, hanesan urgulho bo’ot ba nasaun TL.
Iha momentu ibu Ade mai iha Timor nis mos vizita iha edifisiu Timor Leste Media Development Centre (TMDC),maske iha tempu neba nia moras maibe ninia esperitu aas hodi fo korazen ba foin sae sira mak halao knar hodi dezenvolve no atende media iha TL. Ho novidade Ibu Ade nia mate, staff tomak iha TLMDC ho neon tristi hato’o kondelensia no husu Aman Maromam simu ibu Ade nia iha kadunan santa.
Ibu Ade koinesidu hanesan inan ba Timor oan sira mak hetan kastigo iha LP Cipinag. Hanesan Kay Rala Xanana Gusmao, Fernando Lasama de Araujo, David Diaz Ximenes, Francisco Branco, Virgilio Guterres, Joao Camara nsst. Durante timor oan sira hetan kastigo ibu Ade mak mak tau matan ba sira nia presiza.
“Uluk ami iha komarka, kalan loron tau matan mai ami mak ami nia inan mak Ibu Ade. Ninia kontribuisaun bo’ot tebes mai ami hodi kontinua luta ba uku-rasik an nee,”dehan Davod Diaz Ximenes, agora nudar Deputadu PN.
Tuir David, Ibu Ade fo nia kontrubui ba prosesu luta 1984, tanba ema Timor oan mate ba luta nasaun ne’e nia direitu. Liu husi Ibu Ade fosain Timor Leste nia situasaun luta iha radio Netherland. “Ibu Ade sai hanesan ibu pelaianan politiku masimu ba Luta TL hodi Independensia,”David dehan ho hanoin ba memoria Ibu Ade nian.
Programa manajer hakbi’ik movimento Direitu humanus Asosiasaun HAK Manuel Monteiro Fernandes senti tristi los rona novidade Ibu Ade nia mate. “HAK sei halo refreleksaun ho estudante sira no aktivista sira atu esplika Ibu Ade nia kontribuisaun ba luta Independensia Timor Leste. Luta ba rai ida ne’e laos Timor ona deit maibe mos ema husi nasaun selauk mak hanesan saudozu ibu Ade ,”Nia hatete ho laran tristi.
Loron antes mate, Ibu Ade husu ba nia osan sira iha Timor. Ibu Ade mos hameno hela ba nia oan feto Miki katak, bainhira nia mate karik, presiza hela tais tolu husi Timor nian. Ida nahe nia kaisaun laran para toba, ida taka ba nia an no ida seluk taka iha kaisaun leten.
Bainhira Prezidenti Parlamentu Nasional Fernando Lasama rona Ibu Ade iha ICU, Lasama aranka kedan ba Indonezia hodi lori kedan mos tais 3 ne’ebe nia hameno hela. Lasama lori estadu no povu nia naran ho mos kolega eis prinioneirus hanesan nia oan fo kondolensia ikus ba Ibu.
“Selamat jalan ibu, saya disini atas nama semua rakyat TL dan anak-anak mu dan juga sahabatmu Presiden TL Jose Ramos Horta menyatakan hormat dan cinta kepadamu. Jasa-jasamu kami kenang, cita-citamu kami teruskan. Selamat jalan ibu tercinta,’dehan Lasama ho matan ben naksulin. Ibu Ade deskansa ho paz.
Discussion about this post